مفتی منیر شاکر قتل کیس حل، ملوث گروہ کی شناخت ہوگئی

علما کی ٹارگٹ کلنگ میں ملوث گروہ بے نقاب ہوا، پشاور میں دہشت گردی کے واقعات میں ملوث گروہ بھی گرفتار ہوا ہے، سی ٹی ڈی

جمعرات 14 اگست 2025 20:25

پشاور(اُردو پوائنٹ اخبارتازہ ترین - این این آئی۔ 14 اگست2025ء)محکمہ انسداد دہشت گردی خیبرپختونخوا نے انسداد دہشت گردی سے متعلق کارروائیوں میں میں بڑی کامیابی حاصل کرلی ۔ مفتی منیر شاکر کے قتل میں ملوث گروپ کی شناخت کرلی ہے۔سی ٹی ڈی خیبرپختونخوا نے بتایا کہ مفتی منیر شاکر قتل کیس حل ہوا اور ملوث گروہ کی شناخت ہوگئی ہے اور ملزمان گرفتار کرلئے گئے ہیں۔

بیان میں کہا گیا کہ پشاور میں 18 دہشت گردی کے واقعات میں ملوث گروہ گرفتار ہوا ہے۔

(جاری ہے)

سی ٹی ڈی کے مطابق ڈی ایس پی سردار حسین خان سمیت 14 پولیس اہلکاروں کے قتل میں ملوث ملزمان پکڑے گئے ہیں۔مزید بتایا گیا کہ ملزمان کو گرفتار کرکے حساس مقامات پر حملوں کا منصوبہ ناکام بنا دیا گیا ہے، ان کے زیر قبضہ اسلحہ اور بارودی مواد بھی برآمد کرلیا گیاہے۔سی ٹی ڈی کے مطابق علما کی ٹارگٹ کلنگ میں ملوث گروہ بے نقاب ہوچکا ہے اور داعش خراسان نیٹ ورک کا خاتمہ کرلیا گیا ہے، 11 مئی پشاور خودکش حملے کے ذمہ دار بھی گرفتار کرلیے گئے ہیں۔سی ٹی ڈی کے مطابق صوبے میں دہشت گردی کے 8 حملوں میں ایک ہی قسم کا اسلحہ استعمال کیا گیا۔