ٹی سی ایل نے ای آئی ایس اے ایوارڈزمیں بڑی اسکرین اور کیو ڈی مِنی ایل ای ڈی کیٹیگری میں پانچ ایوارڈحاصل کرلیے

کراچی(اُردو پوائنٹ اخبارتازہ ترین - این این آئی۔ 15 اگست2025ء)پاکستان کے نمبر 1 ایل ای ڈی ٹی وی برانڈٹی سی ایل نے ہوم انٹرٹینمنٹ میں اپنی برتری کو مزید مستحکم کرتے ہوئے ای آئی ایس اے ایوارڈز میں بڑی اسکرین اور کیو ڈی منی ایل ای ڈی کیٹیگری میں پانچ ایوارڈزحاصل کرلیے ،جو یورپ میں آڈیواورویڈیو انوویشن کا سب سے بڑا اعزاز مانا جاتا ہے۔ ہوم تھیٹر ڈسپلے، ویڈیو اور ہوم تھیٹر آڈیو دونوں کیٹیگریز میں شاندار کارکردگی کا مظاہرہ کرتے ہوئے، ٹی سی ایل نے بڑی اسکرین کی شاندار کوالٹی اور کیو ڈ ی مِنی ایل ای ڈی ٹیکنالوجی میں اپنی لیڈرشپ ایک بار پھر ثابت کر دی ہے۔

اہم اعزازات میں، ٹی سی ایل 98 انچ C8K کو ای آئی ایس اے اسٹیٹمنٹ ٹی وی 2025ط2026 کا اعزازدیا گیا، جبکہ ٹی سی ایل 85انچ C9K نے ای آئی ایس اے ہوم تھیٹر مِنی ایل ای ڈی ٹی وی 2025ط2026 کاایوارڈ جیتا، جو سینما جیسے منفرد تجربے کے لیے نیا معیار ہے۔

(جاری ہے)

ٹی سی ایل 75انچ C7K کو ای آئی ایس اے فیملی ٹی وی 2025ط2026 کا ایوارڈ ملا، جو ہر گھر کے لیے بہترین اسمارٹ انٹرٹینمنٹ سینٹر ہے۔

گیمرز کے لیے تیار کردہ ٹی سی ایل55انچ C6K نے ای آئی ایس اے گیمنگ ٹی وی 2025ط2026 کا اعزاز حاصل کیا، جبکہ ٹی سی ایل Q65H ساؤنڈ بار نے ای آئی ایس اے بیسٹ بائے ساؤنڈ بار 2025ط2026 ایوارڈ جیتا، جو بہترین آڈیو کوالٹی کو زبردست ویلیو کے ساتھ پیش کرتا ہے۔ٹی سی ایل 98انچ C8Kیہ ماڈل بڑے اسکرین کے معیار کو ایک نئی سطح پر لے جاتا ہے۔ کرسٹ گلو WHVA پینل 7,000:1کانٹراسٹ ریشو، کم ریفلیکشن فلم اور 40% الٹراوائیڈ ویو اینگل فراہم کرتا ہے۔

جبکہ ٹی سی ایل85انچC9K فلیگ شپ ماڈل ورچوئلی زیرو بارڈر ڈسپلے اور کرسٹ گلو WHVA پینل کے ساتھ شاندار پکچر کوالٹی، وسیع اینگل اور یکساں رنگ پیش کرتا ہے۔ اس میںکیو ڈی مِنی ایل ای ڈی ٹیکنالوجی کے ذریعے 5,184 برائٹنیس زونز اور 6,500 نِٹس پیک برائٹنیس ہے۔جبکہ Bang & Olufsen بہترین آڈیو فراہم کرتا ہے۔ٹی سی ایل 75انچ C7Kیہ ٹی وی گھر کے ہر فرد کے لیے بنایا گیا ہے۔

جدید کیو ڈی مِنی ایل ای ڈی ٹیکنالوجی، شاندار برائٹنیس اور کلر ایکیوریسی کے ساتھ الٹرا سلم ڈیزائن میں دستیاب ہے۔ TSR AiPQ پروسیسر پکچر کوالٹی کو خودکار طور پربہترین اور صارفین کی پسند کے مطابق ایڈجسٹ کرتا ہے۔ گوگل ٹی وی، کڈز پروفائلز، آرٹ گیلری موڈ اور کم بلیو لائٹ تحفظ جیسی خصوصیات اسے ہر عمر کے لیے محفوظ بناتی ہیں۔اس کے علاوہ ٹی سی ایل55انچ C6Kگیمنگ کے لیے تیار کردہ یہ ماڈل کیو ڈی مِنی ایل ای ڈی ڈسپلے اور نیٹیو 4K 144Hzریفریش ریٹ فراہم کرتا ہے۔

ONKYO 2.1 ہائی فائی ساؤنڈ سسٹم، گیم ماسٹر موڈ، AMD FreeSync اور سپر وائیڈ گیم ویو گیمنگ کو نیا لیول دیتے ہیں۔ٹی سی ایل Q65H ساؤنڈ بارآڈیو انوویشن میں ایک نیا سنگِ میل ہے، یہ ساؤنڈ بار RAY&DANZ ٹیکنالوجی کے ذریعے آواز کو انتہائی درستگی سے ڈائریکٹ کرتا ہے، جس سے وسیع ساؤنڈ اسٹیج اور زبردست سنیما جیسا تجربہ حاصل ہوتا ہے۔اس بارے میں بات کرتے ہوئے ڈائریکٹر مارکیٹنگ، ٹی سی ایل مشرق وسطیٰ و افریقہ، ماجد خان نیازی کاکہنا تھاکہ،"یہ پانچ ای آئی ایس اے ایوارڈز نہ صرف ٹی سی ایل کے لیے عالمی سطح پر بلکہ پاکستان میں بھی ایک فخر کا لمحہ ہیں۔

یہ اس بات کی عکاسی کرتے ہیں کہ ہم دنیا کی جدید ترین ڈسپلے اور آڈیو ٹیکنالوجیز پاکستانی گھروں تک پہنچانے کے لیے پرعزم ہیں، تاکہ صارفین کو شاندار گھریلو تفریح کا تجربہ فراہم کیا جاسکے۔