چمن شہر میں 78 ویں جشن یوم آزادی کی تقاریب کا سلسلہ رات گئے تک جاری رہا

جمعہ 15 اگست 2025 21:10

کوئٹہ (اُردو پوائنٹ اخبارتازہ ترین - اے پی پی۔ 15 اگست2025ء) چمن شہر میں 78 ویں جشن یوم ازادی کی تقاریب کا سلسلہ رات گئے تک جاری رہا ، شہر کی تاریخ میں پہلی بار چمن چیمبر آف کامرس کے رہنما داود باچا خان کی جانب سے تاریخی ریلی اور چمن ماسٹر پلان میں میوزیکل نائٹ پروگرام کا انعقاد کیا گیا ۔

(جاری ہے)

اس پروگرام میں شریک مہمانان خاص چمن سکاوٹس برگیڈ بریگیڈئیر شکیل احمد، پاک آرمی11 پنجاب کرنل بہزاد، ونگ کمانڈر کرنل قمر ودیگر قانوں نافذ کرنے والے اداروں کے افسران سمیت معروف سیاسی وسماجی رہنما محمد علی اچگزئی چمن چیمبر اف کامرس کے سابق صدر حاجی عمران کاکڑ قبائلی رہنما حاجی صلاح الدین عرف حاجی لالئی اچگزئی ، چمن پریس کلب کے سابق صدر حاجی اصغر اچگزئی سمیت ہزاروں افراد اس پروگرام میں شریک رہے ۔

پروگرام میں آتش بازی کا بھی اہتمام کیا گیا ،اس دوران پاکستان زندہ باد کے فلک شگاف نعروں سے بھی میوزیکل نائٹ پروگرام گونجتا رہا۔