Live Updates

ادارہ شماریات نے ہفتہ وار مہنگائی سے متعلق اعدادو شمار جاری کر دیئے

ہفتہ وار مہنگائی 0.31 فیصد بڑھ گئی،سالانہ شرح 2.21 فیصد رہی،رپورٹ

جمعہ 15 اگست 2025 21:10

اسلام آباد (اُردو پوائنٹ اخبارتازہ ترین - این این آئی۔ 15 اگست2025ء)ملک میں ہفتہ وار مہنگائی میں مسلسل دوسرے ہفتے بھی اضافہ ریکارڈ کیا گیا، ، شرح 0.31 فیصد بڑھ کر 2.21 فیصد ہوگئی۔ ادارہ شماریات کی جانب سے جاری رپورٹ کے مطابق گزشتہ ہفتے 17 اشیائے ضروریہ کی قیمتوں میں اضافہ ہوا، 9اشیاء کی قیمتوں میں کمی،24 کے دام مستحکم رہے، ٹماٹر، چکن، انڈے، پیاز، لہسن، گندم کا آٹا، گڑ، دال ماش، لکڑی مہنگی ہوئی جبکہ کیلے، آلو، دال چنا، مونگ، مسور، گھی، نمک، چاول، ایل پی جی سستی ہوئی۔

(جاری ہے)

ایک ہفتے میں ٹماٹر کی قیمت میں 10 روپے 42 پیسے فی کلو ، چکن 19 روپے 67 پیسے، انڈے فی درجن 6 روپے 19 پیسے مہنگے ہوئے ، ایک ہفتے کے دوران چینی فی کلو 52 پیسے تک مہنگی ہوگئی، گزشتہ ہفتے کے دوران گندم کا آٹا 21 روپے 18 پیسے فی تھیلا مہنگا ہوا۔گزشتہ ایک ہفتے کے دوران کیلے فی درجن تقریباً 4 روپے سستے ہوئے، ایک ہفتے کے دوران آلو ایک روپے 37 پیسے تک سستے ہوئے، گزشتہ ہفتے ایل پی جی کا گھریلو سیلنڈر 10 روپے 39 پیسے سستا ہوا، دال مسور،چنے،چاول اور نمک بھی سستی ہونے والی اشیا میں شامل ہیں۔تازہ دودھ، دہی، سگریٹ، بریڈ سمیت 25 اشیا کی قیمتیں مستحکم رہیں۔