قومی ٹیم کی پرو ہاکی لیگ میں شرکت پر فیصلہ ایک دو روز میں متوقع

پرو ہاکی لیگ میں پاکستان ہاکی ٹیم کی شرکت سے متعلق فیصلہ 18 اگست تک متوقع ہے: پی ایچ ایف ذرائع

ذیشان مہتاب ہفتہ 16 اگست 2025 11:35

قومی ٹیم کی پرو ہاکی لیگ میں شرکت پر فیصلہ ایک دو روز میں متوقع

لاہور (اردو پوائنٹ تازہ ترین اخبار ۔ 16 اگست 2025ء ) پاکستان ہاکی ٹیم کی پرو ہاکی لیگ اور ایشیا کپ میں شرکت کے معاملے پر فیصلہ آئندہ 2 سے 3 روز میں متوقع ہے۔

پاکستان ہاکی فیڈریشن کے ذرائع کے مطابق فیڈریشن نے 18 اگست تک انٹر نیشنل ہاکی فیڈریشن کو بتانا ہےلہٰذا پرو ہاکی لیگ میں پاکستان ہاکی ٹیم کی شرکت سے متعلق فیصلہ 18 اگست تک متوقع ہے۔

(جاری ہے)

پی ایچ ایف ذرائع کا کہنا ہے کہ جواب دینے کے لیے 3 سے 4 روز ہیں، مثبت پیش رفت ہو رہی ہے، حکومت کی جانب سے اچھا رسپانس ملا ہے ، وزارت خزانہ سے بھی میٹنگز جاری ہیں ، 1 ، 2 اور میٹنگز ہوں گی اور اس کے بعد فیصلہ ہو جائے گا۔

ذرائع کے مطابق ایشیا کپ کے لیے اس موقع پر بھارت جانے کا امکان نہیں، کھلاڑیوں کو بھی ایشیا کپ کے حوالے سے کچھ نہیں بتایا، باضابطہ اعلان 2 سے 3 روز میں ہو جائے گا۔

ذرائع پی ایچ ایف کے مطابق ایشیا کپ میں ہماری بھی کوئی دلچسپی نہیں ، پہلے اپنے ملک کو دیکھنا ہے۔