سندھ ہائیکورٹ میں کمپنی ایکٹ کے ایڈوائزر کی تعیناتی نہ کرنے کیخلاف درخواست کی سماعت

ہفتہ 16 اگست 2025 22:49

کراچی (اُردو پوائنٹ اخبارتازہ ترین - آن لائن۔ 16 اگست2025ء)سندھ ہائیکورٹ میں کمپنی ایکٹ کے ایڈوائزر کی تعیناتی نہ کرنے کیخلاف درخواست کی سماعت کے دوران سیکیورٹی ایکسچینج پاکستان نے جواب جمع کرایانہ وکیل پیش ہوا۔چیف جسٹس سندھ ہائیکورٹ نے سیکیورٹی ایکسچینج کے رویئے پر برہمی کااظہار کرتے ہوئے حکم دیا کہ ڈپٹی اٹارنی جنرل صاحب آئندہ سماعت پر ان کا تحریری جمع کروائیں۔

خلیق احمد ڈپٹی اٹارنی جنرل نے عدالت کو بتایا کہ رپورٹ کیمطابق تو65فیصد عملدرآمد ہوچکاہے۔

(جاری ہے)

چیف جسٹس نے کہا کہ آپ انھیں بتائیں کہ عدالت کے آرڈرپرمکمل عمل کریں۔خلیق احمد نے کہا کہ کمپنی ایکٹ کے تحت تین سے زائد لیگل ایڈوائزر نہیں ہو سکتے،رپورٹ کیمطابق کئی کمپنیوں میں تین سے زائد وکلاکوایڈوائزربھی رکھاہواہے۔رپورٹ سے ثابت ہوتاہے کہ کئی سنیئروکلا10سے زائد کمپنیوں کے لیگل ایڈوائزر ہیں۔سلیم منگریوایڈووکیٹ کی درخواست میں کہا گیا کہ کمپنیاں قانون کے مطابق لیگل ایڈوائزر تعینات نہیں کررہیں۔بیرسٹرسرفراز میتلو نے کہا کہ 10لاکھ کاکیپیٹل رکھنے والی کمپنی کیلئے لیگل ایڈوائزررکھنالازمی ہے۔سیکیورٹی ایکسچینج پاکستان کو کمپنی ایکٹ پرعملدرآمدکاحکم دیاجائے۔