صومالیہ کا پاکستان میں حالیہ سیلاب سے قیمتی جانوں کے ضیاع پر اظہار تعزیت

صومالی وزیرِ خارجہ نے سیلاب متاثرین کے لیے مکمل تعاون کی یقین دہانی کرائی

اتوار 17 اگست 2025 19:05

موغادیشو (اُردو پوائنٹ اخبارتازہ ترین - این این آئی۔ 17 اگست2025ء)صومالیہ کے وزیرِ خارجہ نے پاکستان میں حالیہ سیلاب سے قیمتی جانوں کے ضیاع پر تعزیت کا اظہار کیا ہے۔ دفترِ خارجہ کے ترجمان کے مطابق صومالی وزیرِ خارجہ عبدالسلام عابد علی نے وزیرِ خارجہ اسحاق ڈار سے رابطہ کر کے اظہارِ یکجہتی کیا ہے۔

(جاری ہے)

ترجمان کے مطابق صومالی وزیرِ خارجہ نے سیلاب متاثرین کے لیے مکمل تعاون کی یقین دہانی کرائی ہے۔ترجمان دفتر خارجہ نے بتایا ہے کہ وزیرِ خارجہ اسحاق ڈار نے مشکل گھڑی میں صومالیہ کی حمایت پر شکریہ ادا کیا۔ ترجمان کے مطابق پاکستان اور صومالیہ نے برادرانہ تعلقات مزید مضبوط بنانے کے عزم کا اعادہ بھی کیا۔