ْ آزادی انمول نعمت ہے، اس کا تحفظ اور ترقی بحیثیت قوم ہمارا فرض ہے،حاجی محمد رفیق پردیسی

کراچی (اُردو پوائنٹ اخبارتازہ ترین - این این آئی۔ 18 اگست2025ء) برکاتی فائونڈیشن کے تحت جشن آزادی کی عظیم الشان تقریب اورنگی ٹائون میں منعقد ہوئی جس میں خصوصی شرکت ڈاکٹر حاجی محمد رفیق پردیسی برکاتی، چیئرمین برکاتی فائونڈیشن ٹرسٹ پاکستان حاجی محمد عارف برکاتی، جنرل سیکریٹری -ناظم اعلیٰ استاد العلماء مفتی وسیم ضیائی، علامہ محمد یاسر برکاتی، محمد اظہر قادری، عبدالحمید، پروفیسر دلاور خان، حافظ شاہجہان، محمد اقبال قادری، عبدالعلیم قادری نے خصوصی شرکت کی جبکہ برکاتی فائونڈیشن پاکستان کے چیئرمین ڈاکٹر حاجی محمد رفیق پردیسی ، یاسر برکاتی نے خصوصی خطاب کرتے ہوئے کہا کہ پاکستان کے اسلامی تشخص پر آنچ نہیں آنے دیں گے ۔

یہ ملک کلمہ طیبہ کی بنیاد پر حاصل کیاگیااور اس کانظام قرآن وسنت پر مبنی ہوگا۔

(جاری ہے)

آج ہمیں اپنی تہذیبی ودینی شناخت مضبوط کرناہوگا مغربی فطری یلغار،لبرلزم اورمادر پدر آزادی کے نام پر جونظریاتی حملے کئے جارہے ہیں ان کے مقابلے کے لئے ہمیں شعوری طورپر تیاررہنا ہوگا۔ برکاتی فائونڈیشن افواج پاکستان ،رینجرز، پولیس اورتمام سکیورٹی اداروں کو خراج تحسین پیش کرتاہے۔

جو شب روز وطن کے دفاع میں مصروف عمل ہیں۔ معرکہ حق میں بھارت کوتاریخی شکست ہوئی دنیاپر واضح ہوگیا کہ پاکستان اپنا دفاع کرنا جانتا ہے۔ جہاں آج پاکستان دنیا میں ایک نئی پہنچان کے ساتھ بڑھ رہاہے۔ وہی معاشی طورپر بھی مضبوط ہورہاہے عالمی سطح پر پاکستان کی دہشت گردی کے خلاف قربانیوں کااطراف نہ صرف حکوت پاکستان ، افواج پاکستان، بلکہ پوری قوم کے لئے باعث فخر ہے۔

ڈاکٹر حاجی محمد رفیق پردیسی نے مزید کہا کہ نوجوان نسل تعلیم ،ٹیکنالوجی ، طب ،بزنس اور سماجی شعبوں میں نمایاں کامیابیاں حاصل کررہی ہیں۔ ہمیں صرف اس توانائی کو صحیح سمت میں لگانے کی ضرورت ہے۔ رہنمائوں نے مزید کہا کہ جشن آزادی کی خوشیاں ملی جذبے سے منائیں مگرایک دیا اپنے دل میں بھی جلائیں عہدکریں کہ ہم پاکستان کو صرف جغرافیائی وجود ہی نہیں بلکہ ایک نظریاتی اور اخلاقی طاقت بنائیں گے۔

ہم اقبال کے خواب اور قائداعظم کے عظم کو عملی شکل دینے کے لیے اپنے حصے کی شمع جلائیں گے،چاہے وہ کتنی ہی چھوٹی کیوں نہ ہو۔ پاکستان ایک امانت ہے اور یہ ہمیں قربانی، امانت داری اور محبت کے بدلے ملا ہے اور اب یہ ہماری ذمہ داری ہے کہ ہم اس کی ذمہ داری کریں اور آنے والی نسلوں کو ایک مضبوط ،خوشحال اور متحد پاکستان دیں یہی جشن آزادی کا اصل پیغام اور مقصد ہے۔ پروگرام کے آرگنائزر اورضلعی رہنما اظہر قادری نے مہمانوں کا شکریہ ادا کیااس موقع پر پرچم کشائی کی تقریب بھی ہوئی جبکہ برکاتی طلباء نے قومی اور برکاتی ترانہ پیش کیا ، دعا پر محفل اختتام پذیر ہوئی۔