وفاقی دارالحکومت وراولپنڈی سمیت5 اضلاع میں غیر قانونی غیر ملکیوں کیخلاف کارروائی کا فیصلہ

منگل 19 اگست 2025 11:50

اسلام آباد(اُردو پوائنٹ اخبارتازہ ترین - این این آئی۔ 19 اگست2025ء)وفاقی دارالحکومت،راولپنڈی سمیت 5اضلاع کوسیف زون بنانے کیلئے غیر قانونی مقیم غیرملکیوں کیخلاف کریک ڈاؤن کیلئے انکا ڈیٹا مرتب کرنے،موبائل سم کا اجرا روکنے اور لین دین یا جائیدادکی خرید وفروخت کیلئے اسٹامپ پیپرزکی فروخت پر پابندی لگانے کافیصلہ کرلیا گیا۔اسلام آباد،راولپنڈی، اٹک،مری اور ہری پورکے ڈپٹی کمشنرزکوخصوصی ٹاسک سونپ دیے گئے۔

(جاری ہے)

چیف کمشنراسلام آباد محمد علی رندھاواکی زیرصدارت اجلاس ہوا جس میں غیر قانونی مقیم غیر ملکی افراد کیخلاف کارروائی کا فیصلہ کیا گیا۔چیف کمشنر نے ہدایت کی کہ غیر قانونی مقیم غیر ملکیوں کیمستقبل میں دوبارہ آبادکاری کو روکنے کیلئے پلان تشکیل دیا جائے،ان کا ڈیٹا تیار کیا جائے جس میں رہائشی پتے اور دیگر تفصیلات درج ہوں۔5 اضلاع کوسیف زون بنانے کیلئے ایف آئی اے،نادرا کے ساتھ ڈیٹا شئیرنگ ہو گی۔گھروں اور ہوٹلوں میں غیرملکی کرایہ داروں کے طور پر رجسٹر نہ ہونے والے افراد کیخلاف بھی کارروائی ہو گی، غیر ملکی افراد ویلڈ ویزے (اجازت نامہ) کے ساتھ قیام کرسکیں گے بصورت دیگر کارروائی ہوگی۔