خیبر پختونخواہ میں بارشوں ،سیلاب سے جاں بحق افراد کے لواحقین سے اظہارِ ہمدردی کی قرارداد پنجاب اسمبلی میں جمع

منگل 19 اگست 2025 17:03

لاہور (اُردو پوائنٹ اخبارتازہ ترین - این این آئی۔ 19 اگست2025ء) خیبر پختونخواہ میں بارشوں اور سیلاب سے جاں بحق افراد کے لواحقین سے اظہارِ ہمدردی کی قرارداد پنجاب اسمبلی میں جمع کروا دی گئی ۔

(جاری ہے)

قرارداد مسلم لیگ (ن) کی رکن اسمبلی حنا پرویز بٹ کی جانب سے جمع کروائی گئی جس کے متن میں کہا گیا ہے کہ بڑے پیمانے پر انسانی جانوں کے ضیاع اور مالی نقصان پر گہری تشویش کا اظہار ہے ،وزیراعظم شہباز شریف اور ٹیم کی جانب سے متاثرین کی فوری امداد کو قدر کی نگاہ سے دیکھتے ہیں، وزیراعلی پنجاب مریم نواز نے وزیراعلی خیبر پختونخواہ سے خود ٹیلیفون پر رابطہ کیا، وزیراعلی پنجاب نے متاثرہ شہریوں کو ہر ممکن مدد کی یقین دہانی کروائی۔

مشکل کی گھڑی میں خیبر پختونخواہ کے عوام کے ساتھ کھڑے ہیں ، متاثرہ افراد کی جلد بحالی کے لیے نیک خواہشات کا اظہار کرتے ہیں۔