مدنی مسجد تنازع پر اسلام آباد انتظامیہ اور علماء ایکشن کمیٹی میں مذاکرات کامیاب، معاہدہ طے پا گیا

منگل 19 اگست 2025 20:00

اسلام آباد (اُردو پوائنٹ اخبارتازہ ترین - آن لائن۔ 19 اگست2025ء) راول ڈیم چوک اسلام آباد میں واقع مدنی مسجد سے متعلق تنازع پراسلام آباد انتظامیہ اور علمائ ایکشن کمیٹی کے درمیان مذاکرات کامیاب ہو گئے ہیں۔ مذاکرات کے نتیجے میں دونوں فریقین نے باہمی مشاورت سے ایک تحریری معاہدہ طے کیا، جس میں مسجد کی بحالی اور آئندہ کے لائحہ عمل پر اتفاق کیا گیا۔

(جاری ہے)

معاہدے کے مطابق کیپیٹل ڈیولپمنٹ اتھارٹی (سی ڈی ای) مدنی مسجد کی تعمیر کا کام چار ماہ کے اندر مکمل کرے گی۔ اس دوران باجماعت نماز کی ادائیگی کے لیے پانچ وقت نماز کی ترتیب باہمی مشاورت سے وضع کی جائے گی۔ معاہدے پر امیر جے یو آئی اسلام آباد مفتی اویس عزیز اور اسلام آباد انتظامیہ کے نمائندے اے ڈی سی جی صاحبزادہ محمد یوسف نے دستخط کیے۔