دہلی کی وزیراعلی ریکھا گپتا پر اچانک حملہ، ملزم گرفتار

وزیراعلی کو فورا اسپتال منتقل کردیا گیا،سیکورٹی ناکامی کی تحقیقات ہونگی،پولیس کمشنر

بدھ 20 اگست 2025 16:02

نئی دہلی (اُردو پوائنٹ اخبارتازہ ترین - این این آئی۔ 20 اگست2025ء)بھارتی دارالحکومت دہلی کی وزیراعلی ریکھا گپتا پر اِن کی رہائش گاہ پر منعقدہ کھلی کچہری کے دوران ایک چالیس سالہ شخص نے حملہ کردیا۔

(جاری ہے)

بھارتی میڈیا کے مطابق وزیراعلی ریکھا گپتا کی سیکیورٹی ٹیم نے فوری طور پر حملہ آور کو حراست میں لے کر تفتیش شروع کردی ہے، حملہ آور کی شناخت راجیش سکاریا کے نام سے ہوئی ہے جو ریاست گجرات کا رہائشی بتایا جارہا ہے۔

عینی شاہدین کے مطابق حملہ آور کچھ کاغذات کے ساتھ وزیراعلی کے قریب آیا اور بات کرنے کے دوران اچانک حملہ کردیا۔بھارتی میڈیا کے مطابق وزیراعلی کو فورا اسپتال منتقل کردیا گیا ہے۔ پولیس کمشنر ایس بی کے سنگھ کا اس سے متعلق کہنا تھاکہ یہ معاملہ ایک بڑی سیکیورٹی ناکامی ہے اور اس کی اعلی سطح پر تحقیقات ہوں گی۔