صوابی میں کلاؤڈ برسٹ سے اموات کی تعداد 28 ہوگئی

خیبر پختونخوا میں بارش اور سیلاب سے اب تک 350 سے زائد افراد جاں بحق ہوئے‘ 228 کا تعلق بونیر سے ہے

بدھ 20 اگست 2025 16:21

صوابی میں کلاؤڈ برسٹ سے اموات کی تعداد 28 ہوگئی

صوابی(اُردو پوائنٹ اخبارتازہ ترین - این این آئی۔ 20 اگست2025ء)سیلاب اور لینڈ سلائیڈنگ سے متاثرہ خیبر پختونخوا کا ضلع صوابی اور بونیر تباہی کی داستان پیش کرنے لگے ہیں۔ سیلاب اور لینڈ سلائیڈنگ سے متاثرہ علاقوں میں جگہ جگہ ملبے کے ڈھیر ہیں اور فضا سوگوار ہے۔صوابی میں آنے والے کلاؤڈ برسٹ سے مرنے والوں کی تعداد 28 ہوگئی، مرنے والوں میں بچیاور خواتین شامل ہیں جبکہ 20 گھروں کو نقصان بھی پہنچا۔

(جاری ہے)

کمشنر مردان ڈویژن کیمطابق ملبے سے تین لاشوں کو نکالا گیا، زندہ حالت میں نکالا گیا شخص زخموں کی تاب نہ لاتے ہوئے جاں بحق ہوگیا۔ مزید لاپتا افراد کی تلاش کے لیے آپریشن جاری ہے۔صوابی اوربونیر میں سیلاب سے مرنیوالوں کے لواحقین غم سے نڈھال ہیں، لواحقین کا کہنا ہے کہ اپنے گھر کو اپنی جنت بنایا تھا، سیلاب میں اب کچھ نہیں بچا۔خیال رہے کہ خیبر پختونخوا میں حالیہ بارشوں اور سیلاب سے اب تک 350 سے زائد افراد جاں بحق ہوئے ہیں جن میں 228 کا تعلق بونیر سے ہے۔