چھٹا پاک چین سٹرٹیجک ڈائیلاگ، چینی وزیر خارجہ تین روزہ دورے پر پاکستان پہنچ گئے

بدھ 20 اگست 2025 21:30

اسلام آباد (اُردو پوائنٹ اخبارتازہ ترین - این این آئی۔ 20 اگست2025ء)چینی وزیر خارجہ وانگ ژی پاکستان کے تین روزہ دورے پر اسلام آباد پہنچ گئے۔نائب وزیراعظم و وزیر خارجہ محمد اسحاق ڈار نے نور خان ایئربیس پر معزز مہمان کا استقبال کیا اس موقع پر وزارت خارجہ اور پاکستان میں چینی سفارت کے اعلی حکام بھی موجود تھے۔

(جاری ہے)

پاکستان کے روایتی لباس میں ملبوس بچوں کے گروپ نے معزز مہمان کا خیر مقدم کیا اور پھول پیش کئے۔ چینی وزیر خارجہ وانگ زی نائب وزیراعظم و وزیر خارجہ اسحاق ڈار کی دعوت پر پاکستان آئے ہیں ۔چینی وزیر خارجہ اسلام آباد میں ، پاک - چین اسٹریٹجک ڈائیلاگ کے چھٹے دور میں اپنے ملک کی نمائندگی کریں گے۔