Live Updates

پاکستان میں بارش اور سیلاب سے تباہی پر برطانیہ کے شاہ چارلس کا اظہار افسوس

بدھ 20 اگست 2025 21:30

لندن (اُردو پوائنٹ اخبارتازہ ترین - این این آئی۔ 20 اگست2025ء)پاکستان میں بارش اور سیلاب سے ہونے والی تباہی پر برطانیہ کے شاہ چارلس سوم نے افسوس کا اظہار کیا ہے۔ جاری بیان میں شاہ چارلس نے کہا کہ پاکستان میں سیلاب سے تباہی اور امدادی ہیلی کاپٹر کے حادثے پر غمزدہ ہیں۔

(جاری ہے)

ان سے ہمدردی ہے جنہوں نے اپنے پیاروں، گھروں اور معاش کو کھو دیا۔ شاہ چارلس نے کہا کہ برطانیہ میں پاکستان کے ساتھ قریبی تعلقات رکھنے والے خاندانوں کا خیال ہے۔ انہوں نے کہا کہ اس مشکل وقت میں پاکستانی عوام کے ساتھ کھڑے ہیں، امدادی سرگرمیوں کیلئے رضا کاروں اور مقامی کمیونٹیز کی ہمت اور عزم کو قدر کی نگاہ سے دیکھتے ہیں۔