لڑکیوں میں موجود مقابلے کی عادت اورجلن کو انکے گھر خراب ہونے کی وجہ ہے، اداکارہ حبا علی

لڑکیوں کو یہی کہوں گی کسی کی سنی سنائی باتوں اوردیکھا دیکھی عمل کرنے کے بجائے اپنی عقل کا استعمال کریں

جمعرات 21 اگست 2025 14:08

لڑکیوں میں موجود مقابلے کی عادت اورجلن کو انکے گھر خراب ہونے کی وجہ ..

کراچی (اُردو پوائنٹ اخبارتازہ ترین - این این آئی۔ 21 اگست2025ء) پاکستانی اداکارہ حبا علی نے لڑکیوں میں موجود مقابلے کی عادت اور جلن کو ان کے گھر خراب ہونے کی وجہ قرار دے دیا۔اداکارہ نے حال ہی میں ایک انٹرویو میں شرکت کی جس دوران انہوں نے اپنے ذاتی کیرئیر سمیت مختلف موضوعات پر گفتگو کی۔دوران گفتگو میزبان نے اداکارہ حبا علی سے سوال کیا کہ لڑکیوں کا کون سا عمل میاں بیوی میں علیحدگی کا سبب بن رہا ہی سوال کے جواب میں اداکارہ نے بتایا کہ لڑکیوں میں جلن اور مقابلے کی عادت ان کا گھر خراب کر دیتی ہے ۔

دوران گفتگو اداکارہ نے اپنی ایک دوست کی مثال دیتے ہوئے کہاکہ میری دوست کے شوہر نے مجھیکال کرکے کہا کہ میری بیوی سے میرا رشتہ صرف اس لیے خراب ہو سکتا ہے کیوں کہ وہ اپنا اور دوسروں کا مقابلہ کرکے مجھے باتیں سناتی ہیں۔

(جاری ہے)

اداکارہ کے مطابق میری دوست کے شوہر کا کہنا تھاکہ میری بیوی مجھے بار بار بتاتی ہے کہ فلاں نے یہ گاڑی خرید لی ، فلاں نے وہ ماڈل لیلیا لیکن تم مجھے ابھی تک یہ گاڑی نہیں دلاسکے، میری دوست نے برتھ ڈے پر ایسا ڈریس پر پہنا تھا تو مجھے بھی ایسا ہی پہننا ہے۔

اداکارہ نے خواتین کو واضح کرتے ہوئے بتایا کہہر انسان کے معاشی حالات دوسرے سے مختلف ہوتے ہیں، اسی طرح ہر گھر کے اصول اور طریقے بھی دوسرے گھروں سے مختلف ہوتے ہیں لہذا اپنا مقابلہ کسی سے نہ کریں ۔حبا علی نے لڑکیوں کو مشورہ دیتے ہوئے واضح کیا کہ سوشل میڈیا نے بھی لڑکیوں کا بہت دماغ خراب کیا ہوا ہے لیکن میں لڑکیوں کو یہی کہوں گی کسی کی سنی سنائی باتوں اور دیکھا دیکھی عمل کرنے کے بجائے اپنی عقل کا استعمال کریں۔