سرینگر،: ڈینیٹل سرجنوں کا احتجاجی مظاہرہ، خالی آسامیاں پر کرنے کا مطالبہ

جمعرات 21 اگست 2025 21:31

سرینگر (اُردو پوائنٹ اخبارتازہ ترین - این این آئی۔ 21 اگست2025ء) بھارت کے غیر قانونی زیر قبضہ جموںوکشمیر میںڈینیٹل سرجنوں کی ایک بڑی تعداد نے سرینگر کے پریس انکلیومیں احتجاجی مظاہرہ کیا اور زیر التوا اسامیوں پر فوری طور پر بھرتی کا عمل شروع کرنا کا مطالبہ کیا۔کشمیر میڈیاسروس کے مطابق مظاہرین کا کہنا تھا کہ انتظامیہ ڈینیٹل سرجنوں کی خالی اسامیاں پر کرنے میں لیت و لعل سے کام لے رہی ہے جو نہایت افسوسناک ہے۔

(جاری ہے)

انہوں نے کہا کہ اسامیوں کو فوری طور پر پرُ کرنے کی ضرور ت ہے تاکہ وہ اپنی صلاحیتیوںکو بروئے کا لاسکیں اور مریض در در کی ٹھوکریں کھانے پر مجبور نہ ہوں ۔ مظاہرین کا کہنا کہ ڈینیٹل سرجنوں کی اسامیاں برسہابرس سے خالی پڑ ی ہیں ، بڑی تعداد میں ڈگری یافتہ سرجن بے روز گار ہیں اور ان کی صلاحتیں متاثر ہو رہی ہے ۔ مظاہرین کا کہنا تھا کہ انتظامیہ فوری طور پر معاملے کی طرف توجہ دے اور محض یقین دہانیوں کے بجائے عملی اقدامات کرے۔