Live Updates

محکمہ موسمیات کی 23اگست سے بارشوں کے نئے سلسلے کی پیشگوئی

پنجاب کے مختلف علاقوں میں 23سے 27اگست کے دوران بارشوں کاامکان ہے

جمعرات 21 اگست 2025 21:47

لاہور(اُردو پوائنٹ اخبارتازہ ترین - این این آئی۔ 21 اگست2025ء)محکمہ موسمیات نے ملک میں 23اگست سے بارشوں کے نئے سلسلے کی پیشگوئی کر دی ہے ۔محکمہ موسمیات کے مطابق 23سے 27اگست کے دوران ملک کے وسطی اور بالائی علاقوں میں گرج چمک کے ساتھ بارش کا امکان ہے ، 27سے 29اگست تک سندھ اور مشرقی/جنوبی بلوچستان میں شدید بارشوں کی توقع ہے ، 23سے 27اگست تک آزادکشمیر اور گلگت بلتستان کے اکثر علاقوں میں بارش متوقع ہے ۔

(جاری ہے)

خیبرپختونخوا ہ میں 23سے 26اگست تک مختلف مقامات پر بارش ، اسلام آباد اور پنجاب کے مختلف علاقوں میں 23سے 27اگست کے دوران بارشوں کا امکان ہے ۔ 23سے 26اگست کے دوران سندھ کے چند مقامات ، بلوچستان کے مختلف علاقوں میں بارش متوقع ہے ۔بارشوں سے مختلف شہروں میں سیلاب اور بالائی علاقوں میں لینڈ سلائیڈنگ کا خطرہ ہے ، وسطی پنجاب سمیت مختلف علاقوں میں اربن فلڈنگ کا بھی خدشہ ہے۔