sقومی لیکراس ٹیم کے انتخاب کیلئے پشاور میں ٹرائلزکا انعقاد

جمعرات 21 اگست 2025 19:45

پشاور(اُردو پوائنٹ اخبارتازہ ترین - آن لائن۔ 21 اگست2025ء) ایشین لیکراس چیمپئن شپ کی تیاریوں کے سلسلے میں قومی ٹیم کے انتخاب کے لئے ملک بھر کی طرح خیبر پختونخوا میں بھی مرد و خواتین کھلاڑیوں کے ٹرائلز منعقد ہوئے، جن میں کھلاڑیوں نے بھرپور تعداد میں شرکت کی۔ اس موقع پرکاشف فرحان۔ریجنل سپورٹس افیسر پشاورمہمان خصوصی تھے جن۔کاکھلاڑیوں سیتعارف کرایاگیااس موقع پر ایڈمنسٹریٹر پشاور سپورٹس کمپلیکس یوسف آفریدی ، پاکستان لیکروس فیڈریشن کے سیکرٹری طیفورزین سمیت دیگر اہم شخصیات موجود تھیں ۔

پاکستان لیکراس فیڈریشن کی نگرانی میں صوبائی ایسوسی ایشنز کے تعاون سے یہ ٹرائلز پشاور سمیت مختلف شہروں میں منعقد کئے گئے، جہاں مرد و خواتین کھلاڑیوں نے اپنی صلاحیتوں کا مظاہرہ کیا۔

(جاری ہے)

پاکستان لیکراس فیڈریشن کے سیکریٹری طیفور زرین کے مطابق، ٹرائلز کے پہلے مرحلے کے بعد قومی ٹیم کا تربیتی کیمپ آئندہ چند دنوں میں شروع کردیا جائے گا تاکہ کھلاڑیوں کو ایشین لیکراس چیمپئن شپ کے لیے بہترین تیاری فراہم کی جاسکے۔

انہوں نے مزید بتایا کہ قومی ٹیم کے لیے حتمی انتخاب 25 اگست کو عبدالولی خان اسپورٹس کمپلیکس، چارسدہ میں ہونے والے ٹرائلز کے دوران کیا جائے گا، جہاں ملک بھر سے منتخب کھلاڑی شریک ہوں گے۔ واضح رہے کہ آئندہ ماہ سعودی عرب میں ہونے والی ایشین لیکراس چیمپئن شپ میں پاکستان کی مرد و خواتین ٹیمیں پہلی بار بھرپور تیاری کے ساتھ شرکت کریں گی، اور ان مقابلوں کو پاکستان میں لیکراس کھیل کی ترقی کے لیے اہم سنگِ میل قرار دیا جا رہا ہے۔