سعودی شہری کیلئے شاہ عبدالعزیز میڈل ، 10 لاکھ ریال انعام کااعلان

جمعہ 22 اگست 2025 13:55

ریاض(اُردو پوائنٹ اخبارتازہ ترین - این این آئی۔ 22 اگست2025ء)خادم الحرمین الشریفین شاہ سلمان نے ولی عہد و وزیراعظم شہزادہ محمد بن سلمان کی سفارش پر مملکت کے شہری ماہر فہد الدلبحی کے لیے اول درجے کا شاہ عبدالعزیز میڈل اور 10 لاکھ ریال دینے کی ہدایت کی ہے۔

(جاری ہے)

عرب ٹی وی کے مطابق یہ میڈل اور انعام سعودی شہری کے بہادرانہ اور جرات مندانہ اقدام کے اعتراف میں دیا گیا ہے جس نے حاضر دماغی اور غیرمعمولی جرات کا مظاہرہ کرتے ہوئے جلتے ہوئے ٹرک کو پٹرول سٹیشن سے باہر نکال کر علاقے کو بڑے خطرے اور ممکنہ تباہی سے بچایا تھا۔ماہر فہد الدلبحی اور ان کے اہل خانہ نے اس اعزاز اور انعام پر ا علی قیادت کا شکریہ ادا کیا ہے۔