بھارت :فارماسوٹیکل کمپنی میں گیس کے اخراج سے 4افراد ہلاک

حادثہ ریاست مہاراشٹر کے ضلع پالگھرکی ادویہ سازکمپنی میں حادثہ نائٹروجن گیس کے اخراج سے پیش آیا

میاں محمد ندیم جمعہ 22 اگست 2025 14:33

بھارت :فارماسوٹیکل کمپنی میں گیس کے اخراج سے 4افراد ہلاک

دہلی(اردوپوائنٹ اخبارتازہ ترین-انٹرنیشنل پریس ایجنسی۔22 اگست ۔2025 )بھارتی ریاست مہاراشٹر کے ضلع پالگھر میں میڈلے فارما کمپنی میں گیس کے اخراج کے باعث چار افراد ہلاک اور دو زخمی ہوگئے غیر ملکی نشریاتی ادارے کے مطابق پالگھر ضلع کے ڈپٹی کلیکٹر سبھاش بھگڑے نے بتایا کہ حادثہ نائٹروجن گیس کے اخراج کی وجہ سے پیش آیا. حکام کے مطابق یہ ابھی تک واضح نہیں ہو سکا کہ واقعے کے وقت فیکٹری میں کتنے افراد کام کر رہے تھے ان کا کہنا تھا کہ زخمیوں کو ہسپتال میں علاج کی سہولت فراہم کی جا رہی ہے اور حادثے کے بعد فیکٹری کو بند کر دیا گیا ہے حکام نے مزید بتایا کہ گیس کے اخراج کی تحقیقات کی جا رہی ہیں.