مودی سرکار کا جنگی جنون بے قابو؛ بھارتی فوج کی ڈرون پرہار دوم مشقیں

مودی سرکار آپریشن سندور کی ہزیمت چھپانے کے لیے بڑے ہتھیاروں کے بعد عسکری ڈرونز پر انحصار کررہی ہے،رپورٹ

جمعہ 22 اگست 2025 17:42

نئی دہلی (اُردو پوائنٹ اخبارتازہ ترین - این این آئی۔ 22 اگست2025ء)بھارت میں ہندو انتہاپسند جماعت بی جے پی کی کٹھ پتلی مودی سرکار کا جنگی جنون بیقابو ہوتا جا رہا ہے، جہاں بھارتی مشرقی کمانڈ کی بڑے پیمانے پر ڈرونز آپریشن مشقیں ہو رہی ہیں۔بھارتی فوج کی جانب سے جدید ڈرون ٹیکنالوجی کا جارحانہ استعمال کیا جا رہا ہے۔ مودی سرکار آپریشن سندور کی ہزیمت چھپانے کے لیے بڑے ہتھیاروں کے بعد عسکری ڈرونز پر انحصار کررہی ہے۔

بھارتی فوج کی مشرقی کمانڈ نے اگرتلا میں 18 اگست کو ڈرون پرہار دوم فوجی مشق کا انعقاد کیا، جس میں جدید ڈرون ٹیکنالوجی کے انضمام اور دشمن کو مثر انداز میں نشانہ بنانے کا مظاہرہ کیا گیا۔ ڈرون پرہار دوم مشق کا مقصد فوجی فارمیشنز کے درمیان ہم آہنگی اور بہترین حربی تیاری کو فروغ دینا ہے۔

(جاری ہے)

رپورٹ کے مطابق فوجی مشقوں میں جدید ٹیکنالوجی اور جنگی ڈرلز کا مظاہرہ کیا گیا۔

بھارتی فوج نے ڈرونز کے ذریعے انٹیلی جنس، نگرانی اور معلومات اکٹھی کرنے کی صلاحیتوں کا عملی مظاہرہ کیا۔ٹیکنالوجی پر مبنی ڈرون وارفیئر کے ذریعے مودی سرکار جنوبی ایشیا کے امن و استحکام کو سبوتاژ کر رہی ہے۔ بھارت کی ڈرون پالیسی مستقبل میں خطے میں بدامنی اور ایل او سی پر دہشتگردی کا پیش خیمہ ثابت ہوگی جب کہ پاکستان بارہا عالمی سطح پر بھارت کے سرحد پار دہشتگردی میں ملوث ہونے کے شواہد پیش کر چکا ہے۔

بھارتی فوجی افسران ڈرونز کے ذریعے آئی ای ڈیز، رقوم پہنچانے اور دیگر ذرائع کے ذریعے دہشتگردانہ کارروائیوں کی منصوبہ بندی اور عمل درآمد میں ملوث پائے گئے ہیں۔ بھارت کی یہ جارحانہ ڈرون پالیسی اور پراکسی کارروائیاں خطے کے امن کو تباہ کرنے اور پاکستان میں دہشتگردی پھیلانے کی بڑی سازش ہیں۔