پیوٹن نے یوکرین جنگ کے خاتمے کیلئے سخت شرائط رکھ دیں

ولادیمیر پیوٹن چاہتے ہیں کہ مشرقی سرحد سے نیٹو افواج کو ہٹا دے، ذرائع

جمعہ 22 اگست 2025 17:42

ماسکو(اُردو پوائنٹ اخبارتازہ ترین - این این آئی۔ 22 اگست2025ء)روسی صدر ولادیمیر پیوٹن نے یوکرین جنگ کے خاتمے کے لیے سخت شرائط رکھ دی ہیں۔کریملن ذرائع کے مطابق پیوٹن چاہتے ہیں کہ یوکرین مشرقی سرحدی شہر ڈونباس سے دستبردار ہو جائے اور نیٹو میں شمولیت کا ارادہ ترک کردے۔

(جاری ہے)

کریملن ذرائع کا کہنا تھاکہ ولادیمیر پیوٹن چاہتے ہیں کہ مشرقی سرحد سے نیٹو افواج کو ہٹا دے، اس کے عوض روس کچھ علاقوں سے پیچھے ہٹنے پر آمادہ ہے۔غیر ملکی خبر رساں ایجنسی کے مطابق یہ نکات پیوٹن اور امریکی صدر ٹرمپ کی الاسکا میں تین گھنٹے طویل ملاقات میں زیرِ بحث آئے تھے۔ذرائع کا کہناتھا کہ یوکرین کے انکار کی صورت میں روس جنگ جاری رکھے گا۔