مقبوضہ کشمیر،ایک شخص کی لاش برآمد ، دھماکے میں ایک خاتون زخمی

جمعہ 22 اگست 2025 17:58

سرینگر(اُردو پوائنٹ اخبارتازہ ترین - این این آئی۔ 22 اگست2025ء)غیر قانونی طور پر بھارت کے زیر قبضہ جموں و کشمیر میں الگ الگ واقعات میں ایک لاپتہ شخص کی لاش برآمد ہو ئی ہے جبکہ ایک خاتون شدید زخمی ہو گئی ۔

(جاری ہے)

کشمیرمیڈیاسروس کے مطابق تین روز قبل لاپتہ ہونے والے نوشہرہ کے علاقے قلعہ درہل کے رہائشی دیپ سنگھ کی لاش کنارہ کے علاقے سے برآمد ہوئی ہے۔ایک اورواقعہ میںضلع کولگام کے علاقے ڈی کے مارگ میں گیس لیکیج کے باعث دھماکے میں ایک خاتون شدید زخمی ہوگئی۔خاتون کو تشویشناک حالت میں گورنمنٹ میڈیکل کالج اسلام آباد منتقل کیاگیا۔جہاں سے اسے صورہ میڈیکل ہسپتال سرینگر ریفر کردیاگیا۔