چیئرمین پی سی بی محسن نقوی کی زیر صدارت بورڈ آف گورنرزکااجلاس،پاکستانی کرکٹ کا معیار بہتر بنانے پر غوروخوض

ہفتہ 23 اگست 2025 22:58

لاہور (اُردو پوائنٹ اخبارتازہ ترین - اے پی پی۔ 23 اگست2025ء) چیئرمین پاکستان کرکٹ بورڈ محسن نقوی کی زیر صدارت ہفتہ کے روز پی سی بی کے بورڈ آف گورنرز کا 80واں اجلاس منعقد ہوا ۔ ترجمان کے مطابق چیف آپریٹنگ آفیسر پی سی بی سمیر احمد ، چیف ایگزیکٹو آفیسر پی ایس ایل سلمان نصیر، چیف فنانشل آفیسر ، انٹرنیشنل کرکٹ ، میڈیا اینڈ کمیونیکیشن ، ڈومیسٹک کرکٹ، ہیومن ریسورس، ہائی پرفارمنس سنٹرز کے ڈائریکٹرز، وویمنز کرکٹ کی سربراہ اور لیگل ڈیپارٹمنٹ حکام نے اجلاس میں شرکت کی۔

(جاری ہے)

اس موقع پر پاکستانی کرکٹ کا معیار اورانٹرنیشنل کرکٹ میں ٹیم کی کارکردگی بہتر بنانے،خواتین کرکٹ کے فروغ کیلئے گراس روٹ لیول پر اقدامات،ڈومیسٹک کرکٹ سے نوجوان ٹیلنٹ آگے لانے اورہائی پرفارمنس سنٹرز کی اپ گریڈیشن پر بریفنگ دی گئی ۔اجلاس میں پی سی بی کے اپ ڈیٹڈ فنانشل رولز،رواں مالی سال کیلئے آڈیٹرز کی ازسر نو تقرری،گلوبل اینٹی کرپشن کوڈ اپنانے کیلئے پروسیجرل اورکلبز کی سکروٹنی کیلئے طریقہ کار میں رد و بدل کی منظوری دی گئی جبکہ بی او جی کے 78 ویں اور79 ویں اجلاس کے فیصلوں کی توثیق کی گئی۔ اجلاس میں بورڈ آف گورنرز کے ممبران انوار غنی،ظہیر عباس،سجاد علی کھوکھر،ظفر اللہ، تنویر احمد، محمد اسماعیل قریشی، طارق سرور و دیگر نے شرکت کی۔