Live Updates

دریائے راوی میں سیلابی صورتحال کے باعث دو میٹرو بس سٹیشنز بند

جمعرات 28 اگست 2025 16:14

لاہور (اُردو پوائنٹ اخبارتازہ ترین - این این آئی۔ 28 اگست2025ء) دریائے راوی میں سیلابی صورتحال کے باعث دو میٹرو بس سٹیشنز بند کر دیئے گئے ۔سیلابی خطرات کے باعث نیازی اڈہ میٹرو بس سٹیشن اور شاہدرہ میٹرو بس سٹیشن کو ہر قسم کے مسافروں کے لیے بند کر دیا گیا ، مسافروں کو دونوں سٹیشنز کے اندر جانے کی اجازت نہیں دی جا رہی ہے۔

(جاری ہے)

جبکہ نیازی اڈہ اور شاہدرہ سٹیشنز پر پولیس اور سکیورٹی کی بھاری نفری تعینات کر دی گئی ہے اور دونوں سٹیشنز کے داخلی اور خارجی راستے بند کر دیئے گئے ہیں۔

شہریوں کو متبادل سٹیشنز استعمال کرنے کی ہدایت جاری کی گئی ہے۔یاد رہے کہ دریائے راوی میں بلند سطح کا پانی داخل ہونے کا خدشہ ظاہر کیا گیا ہے، سیلابی صورتحال کے خطرات سے بچائو کے لیے حفاظتی اقدامات اٹھائے جا رہے ہیں، اونچے درجے کے سیلاب کے الرٹ کے بعد میٹرو بس سروس کے مزید حصے متاثر ہونے کا امکان بھی ظاہر کیا گیا ہے۔