حوثی تنظیم کے وزیر اعظم ساتھیوں سمیت شہید،اسرائیلی میڈیا کا دعویٰ

جمعہ 29 اگست 2025 16:55

صنعا (اُردو پوائنٹ اخبارتازہ ترین - این این آئی۔ 29 اگست2025ء)حوثی تنظیم انصار اللہ کے وزیر اعظم احمد الرحاوی کے اسرائیلی حملے میں ساتھیوں سمیت شہید ہونے کی خبریں سامنے آنے لگیں۔

(جاری ہے)

یمنی میڈیا کی رپورٹس کے مطابق حوثی تنظیم کے وزیر اعظم احمد الرحاوی گزشتہ روز دارالحکومت صنعا کے ایک اپارٹمنٹ میں اسرائیلی حملے کے دوران شہید ہوگئیغیر مصدقہ میڈیا رپورٹس میں یہ بھی دعویٰ کیا جا رہا ہے کہ احمد الرحاوی کو اس وقت نشانہ بنایا گیا جب وہ ساتھیوں کے ہمراہ تھے، حملے میں ان کے متعدد ساتھی بھی شہید ہوئے۔

میڈیا رپورٹس میں گزشتہ روز یمن کے دارالحکومت صنعا پر اسرائیلی حملے کا حوالہ دیا گیا جس میں دعویٰ کیا جا رہا ہے کہ وزیر دفاع سمیت 10سینئر حوثی وزرا کو اس وقت نشانہ بنایا گیا جب وہ ایک مقام پر تنظیم کے سربراہ عبدالمالک الحوثی کی تقریر سننے کیلیے جمع تھے۔غیر مصدقہ میڈیا رپورٹس پر حوثیوں کی جانب سے کوئی بیان جاری نہیں کیا گیا اور نہ ہی اسرائیل نے ثبوت پیش کیے ہیں۔