ووٹرادھیکار یاترا نے مودی سرکار کی ووٹ چوری کو بے نقاب کر دیا

ہفتہ 30 اگست 2025 14:18

نئی دہلی(اُردو پوائنٹ اخبارتازہ ترین - این این آئی۔ 30 اگست2025ء)ایک دہائی سے زائد اقتدار پر قابض مودی سرکار کے بھارتی جمہوریت کے دعوئوں کی قلعی کھل گئی، ووٹر ادھیکار یاترا نے مودی سرکار کی ووٹ چوری کو بے نقاب کر دیا۔بھارت میں ووٹر ادھیکار یاترا مہم کے ذریعے مودی کے اسپیشل انٹینسیو ریویژن کے خلاف احتجاج کیا جا رہا ہے۔بھارتی میڈیا کے مطابق اپوزیشن کی ووٹر ادھیکار یاترا اپنے آخری مراحل میں داخل ہو گئی، اپوزیشن رہنماں راہول گاندھی، تیجسوی یادیو اور مکیش سہنی نے بہار میں ووٹر ادھیکار یاترا مہم میں شرکت کی۔

قائدِ حزبِ اختلاف راہول گاندھی نے مودی کی خاموشی پر تنقید پر کرتے ہوئے ووٹ چور قرار دے دیا، اگر میں وزیراعظم کو ووٹ چور کہہ رہا ہوں تو وہ خاموش کیوں ہیں وزیراعظم ووٹ چور ہے اور وہ جانتا ہے کہ ہم نے اسے بے نقاب کر دیا ہے، بہار کے ایک گائوں کے 947ووٹرز کو انتخابی فہرست میں ایک ہی گھر کا رہائشی دکھایا گیا۔

(جاری ہے)

بھارتی میڈیا کی رپورٹ کے مطابق ووٹر ادھیکار یاترا کا مقصد عوام میں ووٹر فہرست میں بے ضابطگیوں کے خلاف شعور اجاگر کرنا ہے، مودی، الیکشن کمیشن کی خصوصی نظرثانی سے لاکھوں ووٹرز کو فہرستوں سے خارج کرنے میں مصروف ہے۔

مودی کی خاموشی ثبوت ہے کہ ووٹر لسٹ میں تبدیلی اس کی نگرانی میں ہو رہی ہے، بہار الیکشن سے قبل ہی مودی عوام کا جمہوری حق چھین کر خود کو ووٹ چور ثابت کر چکا ہے۔ووٹر لسٹ میں تبدیلی سے ظاہر ہے کہ نام نہاد جمہوریت کی آڑ میں مودی نے بھارت پر آمریت مسلط کر رکھی ہے۔