ں*گنیز ورلڈ ریکارڈ نے سڈنی میراتھون میں کراچی کے فیصل شفیع کے ریکارڈ کی توثیق کردی

اتوار 31 اگست 2025 18:40

سڈنی (اُردو پوائنٹ اخبارتازہ ترین - آن لائن۔ 31 اگست2025ء)گنیز ورلڈ ریکارڈ نے سڈنی میراتھون میں فیصل شفیع کے ریکارڈ کی توثیق کردی۔کراچی کے فیصل شفیع نے لائٹ ملٹری یونیفارم میں تیز ترین میراتھون مکمل کرنے کا ریکارڈ بنایا ہے۔

(جاری ہے)

فیصل شفیع نے 3 گھنٹے 40 منٹ اور 13 سیکنڈز میں میراتھون مکمل کر کے ریکارڈ اپنے نام کیا۔فیصل شفیع نے کہا کہ یہ پاکستان کی مسلح افواج، ہمارے شہیدوں اور ہمارے جوانوں کی عظیم قربانیوں کو خراجِ تحسین پیش کرنے کا بہترین موقع تھا، میں اسے کر کے بہت فخر محسوس کر رہا ہوں۔واضح رہے کہ سڈنی میراتھون میں کئی پاکستانی رنرز نے شاندار کارکردگی کا مظاہرہ کیا ہے۔