برسالہ مظفرآباد میں قائم نادر تائیکوانڈو لورز کلب کشمیر کے لیے ایک بہت بڑا اعزاز ہے،سردار جاوید ایوب

وزیر حکومت نے مارشل آرٹس، فزیکل فٹنس اور سیلف ڈیفنس کو فروغ دینے میں کورین کراٹے ماسٹر ذیشان عباسی کی کاوشوں کو سراہا

منگل 2 ستمبر 2025 13:09

مظفرآباد(اُردو پوائنٹ اخبارتازہ ترین - این این آئی۔ 02 ستمبر2025ء)آزاد جموں و کشمیر قانون ساز اسمبلی سیکرٹریٹ مظفرآباد میں سردار جاوید ایوبوزیر وائلڈ لائف فشریز اینڈ ڈویلپمنٹ اتھارٹی سے کورین کراٹے ماسٹر محمدذیشان عباسی سی ای او نادر تیکوانڈو لوورز کلب برسالہ آزاد جموں و کشمیراور راجہ فہد جمیل مرکزی رہنما پاکستان پیپلز پارٹی آزاد جموں و کشمیرکی تفصیلی ملاقات، ملاقات میں آزاد جموں و کشمیر کے نوجوانوں اور خواتین میں مارشل آرٹس ، فزیکل فٹنس اور سیلف ڈیفنس کو فروغ دینے پر تبادلہ خیال کیا گیا۔

کراٹے ماسٹر محمد ذیشان عباسی نے کلب کی قومی اور بین الاقوامی کامیابیوں کو شیئر کرتے ہوئے اس کے گولڈ میڈل جیتنے والے کھلاڑیوں پر روشنی ڈالی۔ اور کلب میں سکھائے جانے والے کھیلوں اور کلب کی طرف سے کشمیر کے مختلف مقامات میں منعقد کیے جانے والے سیلف ڈیفنس اور فزیکل فٹنس سیشن کے بارے میں آگاہ کیا۔

(جاری ہے)

سردار جاوید ایوب صاحب نے کہا اپنا دفاع وقت کی اہم ضرورت ہے اور مارشل آرٹس، فزیکل فٹنس اور سیلف ڈیفنس کو فروغ دینے میں کورین کراٹے ماسٹر ذیشان عباسی کی کاوشوں کو سراہا اور انہیں ان کی کامیابی پر مبارکباد دی۔

سراد جاوید ایوب نے ذیشان عباسی کو آزاد جموں و کشمیر میں مارشل آرٹس کی سرگرمیوں کو بڑھانے کے لیے مکمل حکومتی تعاون اور تحفظ کا یقین دلایا۔ برسالہ مظفرآباد میں قائم نادر تائیکوانڈو لورز کلب کشمیر کے لیے ایک بہت بڑا اعزاز ہے۔اور جلد ہی کلب کا دورہ کرنے کا عزم کیا.راجا فہد جمیل نے اس ملاقات کو آزاد جموں و کشمیر میں مارشل آرٹس کو فروغ دینے، نوجوانوں کو اپنی مکمل صلاحیتوں تک پہنچنے کے لیے اور بااختیار بنانے کی جانب ایک اہم قدم قرار دیا۔