Live Updates

قوم سیلاب سے پیدا مشکلات کا حوصلے سے مقابلہ کررہی ہے ‘ رانا جمیل منج

ْآزمائش کی گھڑی میں افواجِ پاکستان ،ریسکیو اداروں نے عوام کی خدمت کی شاندار مثال قائم کی

منگل 2 ستمبر 2025 13:45

رائے ونڈ(اُردو پوائنٹ اخبارتازہ ترین - این این آئی۔ 02 ستمبر2025ء)پیپلز پارٹی لاہور کے جنرل سیکرٹری رانا جمیل منج نے سیلابی صورتحال میں مسلح افواج اور ریسکیو اداروں کی بہادری اور خدمات کو خراجِ تحسین پیش کرتے ہوئے کہا ہے کہ آزمائش کی گھڑی میں افواجِ پاکستان ،ریسکیو اداروں نے عوام کی خدمت کی شاندار مثال قائم کی ہے۔

(جاری ہے)

انہوں نے پنجاب، خیبر پختونخوا اور گلگت بلتستان میں سیلاب اور بارشوں سے نقصانات پر اظہار افسوس کرتے ہوئے جاں بحق افراد کے اہل خانہ سے دلی تعزیت اور ہمدردی ،سیلاب متاثرین سے مکمل یکجہتی کا اظہارکیا اور کہا کہ سیلاب اور ریلوں میں جانی و مالی نقصان اٹھانے والے خاندانوں کے ساتھ ہیں۔

رانا جمیل منج نے مسلح افواج اور ریسکیو اداروں کی بہادری اور خدمات کو خراجِ تحسین پیش کیا اور کہا کہ آزمائش کی گھڑی میں افواجِ پاکستان نے عوام کی خدمت کی شاندار مثال قائم کی۔انہوںنے کہا کہ پاکستانی قوم نے مشکلات کا مقابلہ حوصلے اور عزم کے ساتھ کیا ہے ۔ 2010اور 2022کے سیلابوں کی طرح اس بار بھی قوم سرخرو ہو گی۔