خیبرپختونخوا میں گندم کی 30 ہزار بوریاں چوری اسکینڈل کے ملزم اسسٹنٹ فوڈ کنٹرولرخالد خان کی ضمانت مسترد

منگل 2 ستمبر 2025 21:36

اسلام آباد(اُردو پوائنٹ اخبارتازہ ترین - آن لائن۔ 02 ستمبر2025ء)سپریم کورٹ نے خیبر پختونخوا میں گندم کی 30 ہزار بوریاں چوری اسکینڈل کے ملزم اسسٹنٹ فوڈ کنٹرولر خالد خان کی ضمانت مسترد کردی۔منگل کوکیس کی سماعت جسٹس حسن اظہر رضوی کی سربراہی میں دو رکنی بینچ نے کی۔

(جاری ہے)

ایڈیشنل ایڈوکیٹ جنرل کے پی نے مؤقف اپنایا کہ ملزمان پر 19 کروڑ 77 لاکھ 52 ہزار کا کے پی خزانے کو نقصان پہنچانے کا الزام ہے، کیس میں شریک دیگر ملزمان کی ضمانت بھی مسترد ہو چکی ہے۔ایڈیشل ایڈوکیٹ جنرل کے پی نے کہا کہ کیس کا چالان جمع ہو چکا ہے،اینٹی کرپشن نوشہرہ میں کیس زیر سماعت ہے۔اس عدالت نے ملزم کی ضمانت مستردکردی۔