ہمارا اولین مقصد سندھ میں سیلاب متاثرین کو ریلیف فراہم کرنا ہے،راجہ انصاری

کراچی (اُردو پوائنٹ اخبارتازہ ترین - این این آئی۔ 02 ستمبر2025ء)ترجمان حکومت پاکستان سندھ بیرسٹر راجہ خلیق الزماں انصاری کہتیہیں مشکل کی اس گھڑی میں سب پاکستانی سیلاب متاثرین کے شانہ بشانہ کھڑے ہیں، قائد مسلم لیگ ن میاں نوازشریف کے ویژن اور وزیراعظم پاکستان شہبازشریف کے احکامات کی روشنی میں مشکل کی اس گھڑی میں سندھ کے بھائیوں کو ہر ممکن سہولیات فراہم کریں گے انہیں تنہا نہیں چھوڑیں گے ان خیالات کا اظہار انہوں نے اے پی پی کراچی ہیڈ آفس دورے پر گفتگو کرتے ہوئے کیا، اے پی پی کراچی کے بیوروچیف عبداللہ سروہی نے انہیں اپنے دفتر آمد پر خوش آمدید کہا اس موقع پر کو آرڈینٹر ذکی ابڑو،اے پی پی کے کرم علی شاہ،صلاح الدین عباسی،قاضی محمد علی،فہم چانڈیو،راشدپنہور،سید عباس مہدی،اسٹیشن ڈاریکٹر ریڈیو پاکستان کراچی محبوب سرور ودیگر بھی موجود تھے، بیرسٹر راجہ خلیق الزماں انصاری نے کہا کہ جہاں ایک طرف قوم کی بیٹی مریم نواز پنجاب میں رلیف دینے میں کسی سے پیچھے نہیں رہیں وہیں وزیراعظم شہبازشریف کی ہدایت پر نیشنل ڈزاسٹرمنیجمنٹ سندھ کے متاثرہ علاقوں میں صوبائی حکومت، پی ڈی ایم اے اور ضلعی انتظامیہ کو بھرپور مدد فراہم کر رہی ہے، وفاق وزیر اطلاعات عطا اللہ تارڑ کی ہدایت کی روشنی میں ترجمان حکومت پاکستان سندھ بیرسٹر راجہ انصاری سیلاب متاثرہ علاقوں کی لمحہ بہ لمحہ صورتحال پر نظر رکھے ہوئے ہیں، انہوں نے کہا کہ وفاقی حکومت کی ہدایات پر این ڈی ایم اے نے سیلاب کا انتباہ جاری کرکے سندھ میں متاثرین کو پیشگی اطلاع کیا تاکہ وہ اپنے مال ، مویشیوں سمیت محفوظ مقامات پر منتقل ہوسکیں، وفاقی حکومت کے پی کے،پنجاب کی طرح سندھ کے متاثرین کو بھی تنہا نہیں چھوڑیں گی پارٹی سطح پر بھی ہر اضلاع میں رلیف کیمپ قائم کرنے کی ہدایات جاری کردی گئی ہیں ،بیرسٹرراجہ انصاری کا کہنا تھا ہم سندھ کے سیلاب زدہ علاقوں میں وفاق کی نمائندگی کرتے ہوئے نہ صرف وقتا فوقتا متاثرین کے رلیف کیمپوں کا دورہ کریں گے بلکہ انہیں امداد کی فراہمی میں بھی کوئی کسر نہیں چھوڑیں گے ،اے پی پی بیورچیف عبداللہ سروہی نے راجہ انصاری کو کراچی دفتر کے اسٹاف سے متعلق بھی بریفنگ بھی دی ،راجہ خلیق الزماں انصاری نے کہا کہ اے پی پی ایک متعبر ادارہ ہے ہم اس کی ساکھ متاثر نہیں ہونے دیں گے،اے پی پی وڈیو،انگلش،سندھی اور اردو سروس کی بہتری کے لیے ہر ممکن اقدامات بروئے کار لائیں گے جلد ہی ڈیجیٹل اے پی پی سروس کا دائر وسیع کرتے ہوئے کراچی میں اس کا آغاز کرنے جارہے ہیں ہم ادارے پو اپنے پیروں پر کھڑا کرنا چاہتے ہیں