Live Updates

کسی نجی تنظیم یا عام افراد کو سیلاب متاثرین میں کھانا تقسیم کرنے سے نہیں روکا گیا‘ عظمی بخاری

سیلاب متاثرین کی صحت کا خیال رکھتے ہوئے ہدایات جاری کیں ،سیاسی پوائنٹ سکورننگ کیلئے استعمال نہ کیا جائے‘ وزیر اطلاعات

بدھ 3 ستمبر 2025 14:35

کسی نجی تنظیم یا عام افراد کو سیلاب متاثرین میں کھانا تقسیم کرنے سے ..

لاہور(اُردو پوائنٹ اخبارتازہ ترین - این این آئی۔ 03 ستمبر2025ء)وزیر اطلاعات پنجاب عظمی بخاری نے کہا ہے کہ کسی نجی تنظیم یا عام افراد کو سیلاب متاثرین میں کھانا تقسیم کرنے سے نہیں روکا گیا،پنجاب حکومت نے صرف اتنا کہا ہے کھانا تقسیم کرنے سے پہلے ضلعی انتظامیہ اور فوڈ اتھارٹی سے کھانا چیک کروا لیا جائے، بعض جگہوں پر پرائیویٹ افراد کی جانب سے غیر معیاری کھانا تقسیم کرنے کی شکایت آئی۔

(جاری ہے)

اپنے بیان میںانہوں نے کہا کہ کچھ لوگ اس حوالے سے جھوٹا پروپیگنڈا کر رہے،سیلاب متاثرین کی صحت کا خیال رکھتے ہوئے یہ ہدایات جاری کی گئی ہیں۔سیلاب کے بعد متاثرہ علاقوں میں بیماریاں پھیلنے کا اندیشہ ہے، اس حوالے سے یہ ان کی صحت کے تحفظ کے لئے کیا جا رہا ہے، اس کو سیاسی پوائنٹ سکورنگ کے طور پر استعمال نہ کیا جائے، مریم نواز ہر جگہ اس لئے خود جا رہی ہیں کہ انتظامیہ کو بھی پتہ ہو ہمیں کوئی دیکھنے پوچھنے والا ہے، عوام کو معلوم ہے ان کی وزیراعلی ہر حال میں ہر جگہ ان کے ساتھ کھڑی ہے۔انہوں نے کہا کہ جو عام پنجاب کی عوام ہیں ان کو بھی پتہ چلتا ہے کہ حاکم وقت ہماری بات سننے کے لیے ہمارے پاس آئے، عوام کو معلوم ہے ان کی وزیراعلی ہر حال میں ہر جگہ ان کے ساتھ کھڑی ہے۔