Live Updates

شاداب خان کا ری ہیب جاری، فزیکل ٹریننگ شروع

جمعرات 4 ستمبر 2025 12:17

لاہور(اُردو پوائنٹ اخبارتازہ ترین - این این آئی۔ 04 ستمبر2025ء)پاکستان ٹی ٹوئنٹی ٹیم کے نائب کپتان شاداب خان کا کندھے کی انجری سے صحتیابی کے بعد ری ہیب جاری ہے، انہوں نے فزیکل ٹریننگ شروع کردی۔شاداب نے 5 جولائی کو انگلینڈ میں دائیں کندھے کی سرجری کرائی تھی، یہ آپریشن پاکستان کرکٹ بورڈ (پی سی بی) کے میڈیکل پینل سے مشاورت کے بعد کیا گیا تھا۔

(جاری ہے)

انجری کے باعث شاداب خان ایشیا کپ میں قومی ٹیم کا حصہ نہ بن سکے، تاہم اب وہ بحالی کے پروگرام کے تحت فزیکل ٹریننگ اور فٹنس ایکسرسائز کر رہے ہیں۔انسٹا گرام پر شاداب خان کی ایک نئی ریل بھی سامنے آئی ہے جس میں انہیں ریکوری ٹریننگ اور فٹنس ایکسرسائز کرتے دیکھا جا سکتا ہے۔ انہوں نے ویڈیو کے کیپشن میں لکھا، ’ری ہیب جاری ہے، آپ سب کے ساتھ اور دعاؤں کا شکریہ۔‘ویڈیو سے ایسا ظاہر ہورہا ہے ہے کہ آل راؤنڈر میدان میں واپسی کی بھرپور تیاری کر رہے ہیں۔