بھارتی ڈیمز میں پانی کی سطح میں مسلسل اضافہ ہو رہا ہے‘ پی ڈی ایم اے

پونگ ڈیم (بیاس)میں پانی کی سطح 1394.51 فٹ ،سطح مسلسل بلند ہو رہی ہے،بھاکرا ڈیم مکمل بھرنے کے قریب ہے

جمعرات 4 ستمبر 2025 23:21

بھارتی ڈیمز میں پانی کی سطح میں مسلسل اضافہ ہو رہا ہے‘ پی ڈی ایم اے

لاہور(اُردو پوائنٹ اخبارتازہ ترین - این این آئی۔ 04 ستمبر2025ء) پروونشل ڈیزاسٹر مینجمنٹ اتھارٹی نے کہا ہے کہ بھارتی ڈیمز میں پانی کی سطح میں مسلسل اضافہ ہو رہا ہے، پونگ ڈیم (بیاس)میں پانی کی سطح 1394.51 فٹ ہے اور یہ سطح مسلسل بلند ہو رہی ہے۔پونگ ڈیم میں پانی کی آمد 1 لاکھ 32 ہزار 595 کیوسک اور اخراج 1 لاکھ کیوسک ریکارڈ کیا گیا۔

(جاری ہے)

ستلج پر واقع بھاکرا ڈیم میں پانی کی سطح 1679 فٹ ریکارڈ کی گئی اور ڈیم مکمل طور پر بھرنے کے قریب ہے، بھاکرا ڈیم میں پانی کی آمد 95 ہزار 400 کیوسک اور اخراج 73 ہزار 459 کیوسک ہے۔رپورٹ کے مطابق ہریکے ہیڈ ورکس (ستلج و بیاس سنگم)پر پانی کی آمد 3 لاکھ 47 ہزار 500 کیوسک ہے اور اس میں اضافہ ہو رہا ہے، ہریکے ہیڈ ورکس سے پانی کا اخراج 3 لاکھ 30 ہزار 677 کیوسک ہے۔