ساف انڈر17چیمپئن شپ 2025 سری لنکا کےلیے قومی ٹیم کے کیمپ کا آغاز

جمعرات 4 ستمبر 2025 20:00

اسلام آباد (اُردو پوائنٹ اخبارتازہ ترین - اے پی پی۔ 04 ستمبر2025ء) ساف انڈر17چیمپئن شپ 2025 سری لنکا ساف انڈر17چیمپئن کےلیے قومی ٹیم کے کیمپ کا آغاز ہو گیاہے قومی انڈر 17 فٹبال ٹیم کا تربیتی کیمپ جناح اسپورٹس کمپلیکس اسلام آباد میں جاری ہے تاکہ آئندہ ساف انڈر-17 چیمپئن شپ 2025 کی تیاری کی جا سکے، جبکہ کیمپ کی نگرانی ہیڈ کوچ ناصر اسماعیل کر رہے ہیں، جو کھلاڑیوں کی ٹورنامنٹ کے لیے تیاریوں پر خصوصی توجہ دے رہے ہیں۔

(جاری ہے)

ساف انڈر 17 چیمپین شپ 15 سے 27 ستمبر تک سری لنکا میں کھیلی جائے گی، جبکہ گروپ بی میں پاکستان، بھارت اور مالدیپ کی ٹیمیں شامل ہیں اور پاکستان اپنا پہلا میچ بھوٹان کے خلاف 16 ستمبر کو کھیلے گا دوسرا میچ مالدیپ کے خلاف 19 ستمبر کو کھیلے گا اور پاکستان اپنا آخری گروپ میچ بھارت کے خلاف 22 ستمبر کو کھیلے گا۔