Live Updates

0ستمبر تک سندھ میں تیز بارش کی پیش گوئی، کراچی سمیت مختلف شہروں کے نشیبی علاقے زیر آب آنیکا خدشہ

جمعرات 4 ستمبر 2025 20:45

کراچی (اُردو پوائنٹ اخبارتازہ ترین - این این آئی۔ 04 ستمبر2025ء)7 سے 10 ستمبر کے دوران سندھ میں وقفے وقفے سے تیز بارشوں کا امکان ہے جس کے باعث کراچی سمیت سندھ کے مختلف شہروں میں نشیبی علاقے زیر آب آنے کا خدشہ ہے۔محکمہ موسمیات کے مطابق ہوا کا کم دباؤ اس وقت بھارتی ریاست مدھیہ پردیش میں ہے، ہوا کا کم دباؤ 6 ستمبر کو راجستھان سے ملحقہ سندھ کے علاقوں تک پہنچنے کا امکان ہے، اس نظام کے باعث سندھ اور پنجاب کے مشرقی علاقوں میں 6 ستمبر سے تیز مون سون ہوائیں داخل ہونے کا امکان ہے۔

محکمہ موسمیات کے مطابق 7 سے 10 ستمبر کے دوران تھر پار کر مٹھی، اسلام کوٹ ، ننگرپار کر ، چھاچھرو، ڈیپلو، عمرکوٹ، میر پور خاص، سانگھڑ، خیر پور، شہید بینظیر آباد، مٹیاری، ٹنڈواٰلہ یار، ٹنڈو محمد خان ، حیدرآباد، ٹھٹہ، بدین، سجاول، جامشورو، دادو، کشمور ، سکھر، لاڑکانہ ، جیکب آباد، شکار پور ،گھوٹکی اور کراچی میں بارش کا امکان ہے۔

(جاری ہے)

تیز بارشوں سے کراچی کے نشیبی علاقے زیر آب آنے کا خدشہ ہے۔ تیز بارشوں سے میر پور خاص، شہید بینظیر آباد ، تھر پارکر، خیر پور، سکھر، لاڑکانہ، ٹھٹہ، بدین، سجاول اور حیدر آباد کے علاقے بھی زیر آب آنیکا خدشہ ہے۔محکمہ موسمیات کے مطابق بلوچستان کے کئی اضلاع میں بھی بارش کا امکان ہے۔اسلام آباد، راولپنڈی سمیت پنجاب کے کئی اضلاع میں بھی 6 سے 8 ستمبرکے دوران بارش کا امکان ہے۔محکمہ موسمیات نے خبردار کیا کہ بارش سے پنجاب میں سیلاب سے متاثرہ علاقوں میں صورتحال مزید خراب ہو سکتی ہے، برساتی ندی نالوں میں بھی طغیانی کا خطرہ ہے۔