حیدر علی کی معطلی،وطن واپسی پر پی سی بی معاملے کا جائزہ لے گا

جمعہ 5 ستمبر 2025 15:20

لاہور (اُردو پوائنٹ اخبارتازہ ترین - این این آئی۔ 05 ستمبر2025ء)پاکستان کرکٹ بورڈ کی جانب سے کرکٹر حیدر علی کی معطلی کے معاملہ کا جائزہ لیا جائیگا ۔ذرائع نے بتایا کہ برطانیہ میں تمام کارروائی مکمل ہونے کے بعد پی سی بی معطلی کے معاملے کا جائزہ لے گا۔ذرائع نے بتایا کہ حیدر علی کے برطانیہ میں کیس سے متعلق پروسیجر مکمل ہونا باقی ہے، تمام قانونی کارروائی کے بعد حیدر علی کو وطن واپسی کی اجازت ملے گی۔

(جاری ہے)

ذرائع کے مطابق حیدر علی کی وطن واپسی پر پی سی بی معاملے کا جائزہ لے گا، جس بعد اگلے لائحہ عمل کا فیصلہ کیا جائے گا۔پی سی بی نے لیگل کارروائی کے بعد کوڈ ا?ف کنڈکٹ کے مطابق اگلے لائحہ عمل کے فیصلے کا اعلان کیا تھا۔واضح رہے کہ گزشتہ روز پاکستانی کرکٹر حیدر علی کے خلاف مانچسٹر پولیس نے مبینہ ریپ کیس خارج کر دیا تھا۔پولیس ذرائع کے مطابق حیدر علی کے خلاف ریپ کیس ناکافی شواہد کی بنیاد پر خارج کیا گیا۔