لله*جاپان کو لازمی طور پر تاریخ کا سامنا کرنا ہوگا اور ماضی سے سبق سیکھنا ہوگا، سابق جاپانی وزیرِ اعظم

جمعہ 5 ستمبر 2025 21:50

3بیجنگ (اُردو پوائنٹ اخبارتازہ ترین - آن لائن۔ 05 ستمبر2025ء) چین میں جاپانی جارحیت کے خلاف چینی عوام کی مزاحمتی جنگ اور عالمی فاشسٹ مخالف جنگ کی فتح کی 80 ویں سالگرہ کے موقع پر منعقدہ یادگاری تقریب میں شرکت کے بعد جاپان کے سابق وزیرِ اعظم یوکیو ہاتویاما نے چائنا میڈیا گروپ کو خصوصی انٹرویو دیتے ہوئے کہا کہ وہ اس بار معافی اور ندامت کے جذبے کے ساتھ چین گئے تھے۔

جمعہ کے روز چائنا میڈیا گروپ کے نامہ نگار کے مطابق چین کی اس یادگاری تقریب کو جاپان کے اندر بعض افراد نے "جاپان مخالف" کا لیبل دیا ہے۔ اس سے پہلے ریلیز ہونے والی فلمیں جیسے "ڈیڈ ٹو رائٹس" اور "ڈونگجی ریسکیو" کو بھی جاپان میں بعض حلقوں نے "جاپان مخالف فلمیں" قرار دی گئیں۔ یہ رویے اس بات کی عکاسی کرتے ہیں کہ آج کا جاپانی معاشرہ ماضی کی تاریخ کا سامنا کرنے کی ہمت نہیں رکھتا۔

(جاری ہے)

یوکیو ہاتویاما کا کہنا تھا کہ آج کے جاپان کے لیے لازمی ہے کہ وہ تاریخ کو درست طور پر تسلیم کرے اور ماضی سے سبق سکیھے۔ جاپان صرف اسی وقت دوبارہ ایشیائی ہمسایہ ممالک اور دنیا کا اعتماد حاصل کر سکتا ہے جب وہ ماضی میں ایشیائی ہمسایہ ممالک کو پہنچانے والے شدید نقصان کا بہادری سے سامنا کرے، اپنی غلطیوں کو تسلیم کرے اور خلوصِ نیت کے ساتھ معذرت کا اظہار کری