Live Updates

سیکرٹری داخلہ پنجاب ڈاکٹر احمد جاوید قاضی کا محکمہ داخلہ کے مرکزی کنٹرول روم کا دورہ

ہفتہ 6 ستمبر 2025 19:00

لاہور (اُردو پوائنٹ اخبارتازہ ترین - اے پی پی۔ 06 ستمبر2025ء) سیکرٹری داخلہ پنجاب ڈاکٹر احمد جاوید قاضی نے محکمہ داخلہ کے مرکزی کنٹرول روم کا دورہ کیا اور لاہور سمیت صوبہ بھر میں امن و امان اور میلاد النبی ۖ کے جلوسوں و محافلِ میلاد کا جائزہ لیا۔ سپیشل سیکرٹری داخلہ فضل الرحمن، ایڈیشنل سیکرٹری پولیس، ایڈیشنل سیکرٹری انٹرنل سکیورٹی، ڈائریکٹر سول ڈیفنس اور متعلقہ حکام بھی سیکرٹری داخلہ کے ہمراہ تھے۔

اس موقع پر بریفنگ میں بتایا گیا کہ محکمہ داخلہ کے مرکزی کنٹرول روم سے پنجاب بھر میں 2306جلوسوں اور 601محافل میلاد کی مانیٹرنگ جاری ہے۔ سیکرٹری داخلہ پنجاب نے پنجاب بھر کے کنٹرول رومز سے کانفرنس ویڈیو کال کے زریعے رابطہ کیا اور انتظامات دیکھے۔ انہوں نے کہا کہ پنجاب بھر میں 1500 سالہ عید میلاد النبی ۖ مذہبی عقیدت و احترام سے منا رہے ہیں۔

(جاری ہے)

سیکرٹری داخلہ نے کہا کہ میلاد النبی ۖ کا دن پوری امت کیلئے خوشی کا باعث ہے، اسے باہمی اتفاق اور ملی یگانگت سے گزار رہے ہیں۔ حکومت پنجاب عیدِ میلاد پر سیلاب متاثرین کے ریلیف کیمپوں اور جیل اسیران میں مٹھائیاں تقسیم کر رہی ہے۔ انہوں نے انتظامیہ کو ہدایت کی کہ عید میلادالنبیۖ اور یوم دفاع بارے جاری کردہ قواعد و ضوابط پر عملدرآمد یقینی بنایا جائے۔ انہوں نے بتایا کہ صوبہ بھر کے تمام مرکزی جلوسوں کو کیمروں کے ذریعے مانیٹر کیا جا رہا ہے۔ سیکرٹری داخلہ پنجاب نے قانون نافذ کرنے والے اداروں کو ہدایت کی کہ تمام جلوسوں اور محافل میلاد کے اختتام تک سکیورٹی عملہ ڈیوٹی پر موجود رہے۔