آئندہ چوبیس گھنٹوں کے دوران سندھ، پنجاب، بالائی خیبر پختونخوا ، گلگت بلتستان اور کشمیرمیں بارش کا امکان

ہفتہ 6 ستمبر 2025 19:50

اسلام آباد (اُردو پوائنٹ اخبارتازہ ترین - اے پی پی۔ 06 ستمبر2025ء) آئندہ چوبیس گھنٹوں کے دوران سندھ، پنجاب، بالائی خیبر پختونخوا ، گلگت بلتستان اور کشمیرمیں مطلع جزوی ابرآلود رہنے کے علاوہ چند مقامات پر تیز ہواؤں اورگرج چمک کے ساتھ بارش کا امکان جبکہ سندھ میں چند مقامات پر تیز موسلا دھار بارش کی بھی توقع ہے تاہم شمال مشر قی پنجاب، بالائی خیبر پختونخوا ، گلگت بلتستان اور کشمیرمیں مطلع جزوی ابرآلود رہنے کے علاوہ چند مقامات پر تیز ہواؤں اورگرج چمک کے ساتھ بارش کی کا امکان ہے جبکہ ملک کے دیگر علاقوں میں موسم گرم اور خشک رہے گا ۔

(جاری ہے)

محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہاتاہم پنجاب اور گلگت بلتستان میں تیز ہواؤں اور گرج چمک کے ساتھ چند مقامات پر بارش ہوئی۔اس دوران سب سے زیادہ بارش مری میں 8، بہاولنگر 7، ملتان ایئرپورٹ 4، شیخوپورہ 2، جہلم ایک، بونجی اور بابوسر میں 2 ملی میٹر بارش ریکارڈ کی گئی۔ ہفتہ کو ریکارڈ کئے گئے زیادہ سےزیادہ درجہ حرارت کی رپورٹ کے مطابق سبی ، نوکنڈی ، شہید بینظیر آباد اور چھور میں درجہ حرارت 41ڈگری سینٹی گریڈ ریکارڈ کیا گیا ۔