ایشیا کپ سے قبل پاک بھارت کرکٹرز میں بھی تناؤ، اکٹھے پریکٹس کے باوجود ایک دوسرے سے ملنے سے گریز

پاکستان اور بھارت کی ٹیمیں تین گھنٹے تک ایک ہی گراؤنڈ میں دو الگ الگ سمتوں میں نیٹ پریکٹس کرتی رہیں

ذیشان مہتاب پیر 8 ستمبر 2025 11:39

ایشیا کپ سے قبل پاک بھارت کرکٹرز میں بھی تناؤ، اکٹھے پریکٹس کے باوجود ..

شارجہ (اردو پوائنٹ تازہ ترین اخبار ۔ 8 ستمبر 2025ء ) ایشیا کپ کرکٹ سے قبل پاکستان اور بھارتی کرکٹرز کے درمیان کشیدگی دکھائی دے رہی ہے۔

بھارتی کرکٹ بورڈ نے واضح کیا ہے کہ ایشیا کپ میں ضرور کھیلیں گے لیکن حکومتی پالیسی کے تحت دشمن ملک کے خلاف دوطرفہ مقابلے میں حصہ نہیں لے سکتے۔

(جاری ہے)

خیال رہے کہ ماضی میں پاکستان بھارت کرکٹ میچوں کے دوران گراؤنڈ میں کشیدگی ضرور ہوتی تھی لیکن فیلڈ سے باہر دونوں ملکوں کے کھلاڑیوں کے تعلقات دوستانہ ہوتے تھے لیکن مئی میں پاک بھارت جنگ کے بعد یہ حالات اب بالکل مختلف سمت میں جاتے دکھائی دے رہے ہیں۔

اتوار بروز 14 ستمبر کو دبئی ایشیا کپ میں پاک بھارت میچ کی میزبانی کرے گا، 6 ستمبر بروز ہفتہ کی شام دبئی کی آئی سی سی اکیڈمی میں جب پاکستان اور بھارت کی ٹیمیں تین گھنٹے ایک گراؤنڈ میں دو الگ الگ سمتوں میں نیٹ پریکٹس کر رہی تھیں، اس دوران کھلاڑیوں میں دوریاں نمایاں طور پر نوٹ کی گئی۔

میڈیا منتظر تھا کہ کھلاڑی آمنے سامنے آکر مصافحہ کریں گے لیکن ایک ہی گراؤنڈ میں پریکٹس کرنے کے باوجود کھلاڑیوں نے ایک دوسرے کی جانب دیکھا بھی نہیں۔