نجی ایئرلائن کی جدہ سے لاہور جانے والی پرواز کی کراچی ایئرپورٹ پر ہنگامی لینڈنگ

طیارے میں 200 سے زائد مسافر سوار تھے، طیارے کو چیک کرنے پر علم ہوا کہ طیارے سے ایندھن لیک ہو رہا تھا،ذرائع

پیر 8 ستمبر 2025 12:20

کراچی(اُردو پوائنٹ اخبارتازہ ترین - این این آئی۔ 08 ستمبر2025ء)نجی ایئرلائن کی جدہ سے لاہور جانے والی پرواز نے کراچی ایئرپورٹ پر ہنگامی لینڈنگ کی ہے۔ذرائع کے مطابق تکنیکی خرابی پر کپتان نے کراچی ایئر ٹریفک کنٹرولر سے لینڈنگ کی اجازت طلب کی، نجی ایئرلائن کا طیارہ بحفاظت کراچی ایئرپورٹ لینڈ کر گیا ہے۔

(جاری ہے)

ذرائع کا بتانا ہے کہ طیارے میں 200 سے زائد مسافر سوار تھے، طیارے کو چیک کرنے پر علم ہوا کہ طیارے سے ایندھن لیک ہو رہا تھا، سی اے اے انسپکٹرز نے معاملے کی تحقیقات شروع کردیں ہیں۔ذرائع کے مطابق طیارے کی مرمت کے لیے ایئرلائن انجینئرز نے بھی اپنا کام شروع کر دیا، طیارے میں زیادہ تر عمرہ زائرین موجود ہیں۔