بیس کلو آٹے کے تھیلے کی قیمت میں اگست کے دوران سالانہ بنیادوں پر 13.34 فیصد کمی ریکارڈ

پیر 8 ستمبر 2025 17:13

اسلام آباد (اُردو پوائنٹ اخبارتازہ ترین - اے پی پی۔ 08 ستمبر2025ء) ملک میں 20 کلو آٹے کے تھیلے کی قیمت میں اگست کے دوران سالانہ بنیادوں پر 13.34 فیصد کی کمی ریکارڈ کی گئی ہے۔ پاکستان ادارہ شماریات کے اعدادوشمار کے مطابق اگست میں ملک کے مختلف شہروں میں 20 کلو آٹے کے تھیلے کی اوسط قیمت 1589.94 روپے ریکارڈ کی گئی جو جولائی کے مقابلے میں 7.12 فیصد زیادہ ہے اور گزشتہ سال اگست کے مقابلے میں 13.34 فیصد کم ہے۔

(جاری ہے)

جولائی میں 20 کلو آٹے کے تھیلے کی اوسط قیمت 1493.63 روپے اور گزشتہ سال اگست میں 1846.25 روپے ریکارڈ کی گئی تھی۔ اعدادوشمار کے مطابق اگست میں اسلام آباد میں 20 کلو آٹے کے تھیلے کی اوسط قیمت 1711.42 روپے، راولپنڈی 1700.89 روپے ، گجرانوالہ 1552.19 روپے ، سیالکوٹ 1558.65 روپے، لاہور 1499.07 روپے ، فیصل آباد 1555.53 روپے، سرگودھا 1587.61 روپے ، ملتان 1580.45 روپے ، بہاولپور 1585.76 روپے ،کراچی 1689.47 روپے ، حیدرآباد 1718.79 روپے ، سکھر 1528.98 روپے ، لاڑکانہ 1515.74 روپے ، پشاور 1589.17 روپے ، بنوں 1531.69 روپے ، کوئٹہ 1657.19 روپے اور خضدار میں 20 کلو آٹے کے تھیلے کی اوسط قیمت 1662.83 روپے ریکارڈ کی گئی۔