صدرآصف علی زرداری نے متحدہ عرب امارات کی بحریہ کے کمانڈر کو نشانِ امتیاز (ملٹری) عطا کیا

پیر 8 ستمبر 2025 23:26

اسلام آباد (اُردو پوائنٹ اخبارتازہ ترین - این این آئی۔ 08 ستمبر2025ء)صدر آصف علی زرداری نے متحدہ عرب امارات کی بحریہ کے کمانڈر کو نشانِ امتیاز (ملٹری) عطا کیااس ضمن میں اعزاز دینے کی تقریب ایوانِ صدر اسلام آباد میں منعقد ہوئی۔صدر نے کمانڈر حمید محمد عبد الّلہ الرمیثی سے ملاقات بھی کی۔صدر نے کہا کہ اعزاز کمانڈر الریمیثی کی نمایاں خدمات کا اعتراف ہے۔

(جاری ہے)

انہوںنے کہاکہ پاکستان اور متحدہ عرب امارات کے مابین برادرانہ تعلقات ہیں۔صدر نے متحدہ عرب امارات بحریہ کی امن ڈائیلاگ 25 اور مشق امن 25 میں شمولیت کو سراہا۔صدر نے کہا پاک بحریہ مستقبل میں بھی متحدہ عرب امارات نیوی کی افرادی قوت کی ضروریات پوری کرنے کو تیار ہے۔کمانڈر الریمیثی نے بتایا کہ انہوں نے پاکستان نیول اکیڈمی کراچی سے گریجویشن کیا۔وزیر دفاع خواجہ آصف، سابق اسپیکر قومی اسمبلی راجہ پرویز اشرف اور سابق چیئرمین سینیٹ نیئر بخاری بھی موجود تھے