تھانہ سنگجانی پولیس کی کارروائی، راہزنی میں ملوث گروہ کے 2 کارندے گرفتار

منگل 9 ستمبر 2025 23:16

اسلام آباد (اُردو پوائنٹ اخبارتازہ ترین - اے پی پی۔ 09 ستمبر2025ء) تھانہ سنگجانی پولیس نے بڑی کارروائی کرتے ہوئے راہزنی میں ملوث گروہ کے 2 کارندوں کو گرفتار کر لیا۔اسلام آباد پولیس کے ترجمان کے مطابق تھانہ سنگجانی پولیس نے بروقت کارروائی کرتے ہوئے راہزنی کی وارداتوں میں ملوث گروہ کے 2 کارندوں کو گرفتار کرلیا۔

(جاری ہے)

پولیس نے گرفتار ملزمان کے قبضے سے چھینی گئی نقدی، موبائل فون، موٹر سائیکل اور وارداتوں میں استعمال ہونے والا اسلحہ بمعہ ایمونیشن برآمد کرلیا۔

گرفتار ملزمان کی شناخت عبدالرحمان اور نقیب کے ناموں سے ہوئی ہے جن کے خلاف مقدمات درج ہیں۔ڈی آئی جی اسلام آباد محمد جواد طارق نے کہا کہ ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔ ان کا مزید کہنا تھا کہ اسلام آباد پولیس منظم اور متحرک گینگز کے خلاف بڑے پیمانے پر کارروائیاں جاری رکھے ہوئے ہے۔