Live Updates

ریلیف کی فراہمی میں کسی قسم کی غفلت برداشت نہیں کی جائے گی،ڈپٹی کمشنر

بدھ 10 ستمبر 2025 11:24

مظفرگڑھ (اُردو پوائنٹ اخبارتازہ ترین - اے پی پی۔ 10 ستمبر2025ء) وزیراعلیٰ پنجاب مریم نواز کی ہدایت پر ڈپٹی کمشنر عثمان طاہر جپہ نے سیلاب سے متاثرہ بستی آدھی والا، سیت پور روڈ علی پور کا دورہ کیا،اس موقع پر ڈی پی او سید غضنفر علی شاہ بھی ان کے ہمراہ تھے۔ڈپٹی کمشنر اور ڈی پی او نے فلڈ ریلیف سرگرمیوں کا تفصیلی جائزہ لیا۔ انہوں نے متاثرہ خاندانوں میں راشن، ادویات اور پینے کے صاف پانی کی فراہمی کے انتظامات کا معائنہ کیا۔

(جاری ہے)

ڈپٹی کمشنر عثمان طاہر جپہ نے کہا کہ وزیراعلیٰ پنجاب مریم نواز کی خصوصی ہدایت پر سیلاب متاثرین کو ہر ممکن ریلیف فراہم کیا جا رہا ہے۔انہوں نے متعلقہ محکموں کو ہدایت کی کہ ریلیف کی فراہمی میں کسی قسم کی غفلت برداشت نہیں کی جائے گی۔ڈی پی او سید غضنفر علی شاہ نے سیلاب متاثرین کے جان و مال کے تحفظ کے لیے پولیس فورس کی تعیناتی اور سکیورٹی انتظامات کا جائزہ لیا۔ڈپٹی کمشنر کی نگرانی میں ریسکیو ٹیموں نے بروقت کارروائی کرتے ہوئے خان گڑھ سے 17 اور مرادآباد سے 15 متاثرہ افراد کو محفوظ مقامات پر منتقل کیا ہے۔\378