کمسن بچے،نوجوان شیشہ، حقہ، آئس کے نشے میں مبتلاہورہے ہیں،ملک عبدالستارکاہنہ والے

بدھ 10 ستمبر 2025 23:08

خالق نگر(اُردو پوائنٹ اخبارتازہ ترین - آن لائن۔ 10 ستمبر2025ء) کمسن بچے،نوجوان شیشہ، حقہ اور آئس نشے کی لعنت میں مبتلا ہورہے ہیں جس سے والدین شدید پریشان دکھائی دیتے ہیں،ان خیالات کا اظہار معروف سیاسی،سماجی،فلاحی،سوشل ورکروچیئرمین منشیات کیخلاف جہاد پاکستان ملک عبدالستارکاہنہ والے نے کاہنہ اور گردونواح میں نوجوانوں اور کمسن بچوں میں بڑھتے ہوئے شیشہ، حقہ اور آئیس کے نشے کے رجحان پر شدید تشویش کا اظہار کرتے ہوئے آئی جی پنجاب سے فوری نوٹس لینے کا مطالبہ کیا ہے،ملک عبدالستارکاہنہ والے نے کہا کہ اس خطرناک نشے کی وجہ سے نوجوان مختلف سماجی برائیوں کا شکار ہو رہے ہیں جبکہ والدین اور سول سوسائٹی سخت پریشانی میں مبتلا ہیں، انہوں نے کہا کہ پولیس اور متعلقہ ادارے اس سنگین مسئلے کے تدارک میں اپنا کردار ادا کرنے میں ناکام دکھائی دیتے ہیں جس کی وجہ سے معصوم بچوں کا مستقبل تباہی کے دہانے پر پہنچ رہا ہے،ملک عبدالستارکاہنہ والے نے کہا کہ نشے کی لعنت نہ صرف معاشرتی زوال کا باعث ہے بلکہ یہ ہماری نئی نسل کے مستقبل کو بھی داؤ پر لگا رہی ہے اس لیے اس مسئلے کا سدباب نہایت ضروری ہے،انہوں نے امید ظاہر کی ہے کہ آئی جی پنجاب ودیگرمتعلقہ ادارے اس معاملے پر فوری ایکشن لیتے ہوئے کاہنہ وگردونواح کو شیشہ، حقہ اور آئس جیسے موذی نشوں سے پاک کرنے میں اپنا کردار ادا کریں گے تاکہ والدین سکون کا سانس لے سکیں۔