Live Updates

عمران خان نے پارٹی اراکین کو سینیٹ کمیٹیوں سے مستعفی ہونے کی ہدایت کردی، علیمہ خان

بدھ 10 ستمبر 2025 21:55

راولپنڈی(اُردو پوائنٹ اخبارتازہ ترین - این این آئی۔ 10 ستمبر2025ء)بانی پاکستان تحریک انصاف عمران خان نے پارٹی اراکین کو سینیٹ کمیٹیوں سے مستعفی ہونے کی ہدایت کردی۔میڈیا سے گفتگو کرتے ہوئے انہوںنے کہاکہ بانی نے پارٹی اراکین کو سینیٹ کمیٹیوں سے مستعفی ہونے کی ہدایت کی ہے اور کہا ہے جتنے پارٹی سینیٹر کمیٹیوں میں بیٹھے ہیں فوری استعفیٰ دیں۔

(جاری ہے)

علیمہ خان کے مطابق بانی پی ٹی آئی نے کہا ہے پی ٹی آئی کے ایم این ایز کو ناجائز سزائیں دے کر سیٹوں پر قبضہ کیا جا رہا ہے، بانی پی ٹی آئی نے کہا آئندہ کچھ دنوں تک اگلا لائحہ عمل دوں گا۔انہوں نے کہا کہ بانی پی ٹی آئی کی صحت بالکل ٹھیک ہے، بشریٰ بی بی کی صحت ٹھیک نہیں، بشریٰ بی بی کے طبی معائنے کی درخواست دے دی گئی ہے۔علیمہ خان نے کہا کہ بانی پی ٹی آئی نے مجھے کہا آپ کو کیوں اٹیک کر رہے ہیں میں نے بانی پی ٹی آئی سے کہا یہ چاہتے ہیں آپ کا پیغام باہر نہیں جائے۔